US Senate-in kum 28 hnu ah meithal control khawhnak ding ah bill pass/pawm asi cang,

US Senate-in kum 28 hnu ah meithal control khawhnak ding ah bill pass/pawm asi cang,

United States Senate nih cun meithal free lo nak ding ah/gun control bill cu kum 28 hnu ah an pass ve khawh cang, Congress upper chamber, Senate-ah hin Republican 15-nih cun vote laknak ah Democrats lei lungrual piin, meithal controlnak ding bill tuah cu pawmtu 65 an um khawh cang hna, a duh lo lei ah vote 33 a tla fawn, US-ah hin meithal hmang in mi kap tawn hi an um tawn peng asi, mahruang ah hin naite ah khan meithal controlnak Upadi tuah ding ah nawltu zong an tam ngai khi asi, Thla hmasa ah khan Buffalo, New York le Uvalde, Texas-hna ah meithal kah ruang ah minung 31 an thi kha asi.

Senate-ah vote lak hnu ah cathanhnak tuah mi ah, President Joe Biden nih, “Kum 28 hrawng hma lak khawh lo hnu ah, Congress-zong ah member pahnih hna nih cun, ram chung ah chungkhar hna nawlnak ngai pawi mawh in, kan khua chung ah meithal hman in buainak tuahtu tlawmter ding ah bill an pass khi asi, a ti, Uvalde le Buffalo-ah chungkhar dang dang hna, tuartu dang dang hna duh ning in, meithal control tuah nak ding an cawlcangnak vialte cu tlamtling asi cang tiah, President Joe Biden nih a chim.

House of Representative Speaker Nancy Pelosi nih House lei ah hin bill cu aran khawhnak chung in ceih asi te lai tiah ati, mah lio ah hin Republican leader Kevin McCarthy nih an party member-hna cu bill support lo ding ah acah ve fawn, meithal control ding ah upadi tuah thar ah hin, meithal cawk tim mi, kum 21 tanglei hna background cu bia tak tein zoh fel ding ah ati, mah pin ah mental health programme le school security upgrade-nak ding in US$15 billion ruahman asi fwan, State-hna cu mi dang nunnak derthawngter khawh mi le tih nung in a um mi an theih mi hna hriamnam cu chuh piak khawhnak, red flag law an hman khawhnak ding ah tangka ruahman ding hna zong a tel fawn.

Khrihfa hna caah cun Good News bak asi ko US Supreme Court nih Nau tlakternak Upadi cu hnawn asi cang kong avan thanh bak ko cang hih!

Kum 2020 ah khan US-ah nau tlakter mi 900,000 leng a um! US History-ah cun nau tlaktter mi hi 60 million an um cang tiah record asi, A tu can kan ton mi ah Supreme Court biachah nak pawimawh bi kasi tiah “- Rev. Franklin Graham” nih alawmtuk nak kong achim ve cawlh, June 24, 2022: US Supreme Court nih kum 1973 in hman cang mi, kum 50 deng mang arak hman cang mi Upadi bantuk in, nau tlakter sianh nak (legalized abortion) cu June 24, 2022 ah hin hnawn/phiat asi cang tiah arak than cang lawm um tuk mi thawng pang asi.

Roe v. Wade Tawi fel deuh in US-ah abortion sianh/pawm asi ning ah tarlang nak ah cun,  Norma McCorvey ‘Jane Roe’ nih kum 1969 ah khan pasal ngei lo in fa 3-nak a puai khi asi, a naupuai cu tlakter aduh nain, a umnak Texas Upadi nih an sianh piak lo kha asi, Jane Roei Lawyer (Sarah Weddington & Linda Coffee) hna nih cun, local district attorney, Henry Wade cu taza cuai in Texas law cu Constitution kalh/cross asi tiah taza cuai mi asi, U.S. District Court for the Northern District of Texas nih Roe- cu thiam an coter kha asi, Texas State nih nau tlakter khamh cu Constitution kalh a si tiin biachahnak an ngei cang kha asi, US Supreme Court-ah kalpi asi nak ah Roe-nih cun 7-2 in teinak ahmuh mi asi.

January 22, 1973 ah khan US-ah ningcang bak in, nau tlakter sianh piak cang kha arak si, Mah case hi Roe v. Wade tiah chim asi peng fawn asi, US History-ah thil phan dang ngai mi le effect ngeih lian bik chung ah a tel mi pakhat asi, mah hnu zong ah hin taza cuainak hi vawi tampi aphan thiamthiam ko, ning cang in nau tlakter hi tawp/donghter ding ah hmalak nak nih um zia angei lo kha asi, Kum 2020 ah khan US-ah nau tlak ting 9 leng arak um manh kha asi, Pro-choice think tank Guttmacher Institute nih report a pek ning in, kum 2020 chung ah khan USA-ah ningcang in nau tlakter 930,000 leng an um! Kum 2017 nak in 8% bak in atam tina kasi fawn, Nau tlakter sianh pia kasi hnu in nau tlakter hi 60 million leng a um tiah tar lan asi.

Dobbs v. Jackson Women’s Health Organization: Mississippi case, “Constitution nih hin nau tlakter siannak akan pek lo timi cu US Supreme Court-ah Conservative hna tam deuh nak ah cun, 6-3 in nau tlakter cu hnawn arak sic ang khi asi, June 24-ah US Supreme Court biachahnak hi US History kum 246 chung ah thil danglam nak le chinchiah tlak bak mi asi, mah hmalak nak hi US Evangelical le Republican tampi hna nih bia tak tein an aupi nak thei par pakhat asi, US hi achia dih rih lo, Pathian mi tak tak hna umnak ram asi peng rih ko, tiin Khrihfa hna nih cun an lawmtuk nak ah mitthli hna atla tiah theih asi.

Judge hna biachahnak ruang ah hin Evangelical Chihfa hna cu an lawm tuk ning, Republican lei nih cun an support bak mi asi fawn, Democrats pawl belte cu alung achia ngai pin ah an lawm lo ngai ngai khi asi, lungawi lonak langhter in buainak tuah mi zong an um ve fawn, ram hruaitu cheu khat chim mi cu, Canada Prime Minister Justin Trudeau Court biachahnak cu, ‘horrific’ a ti, Boris Johnson nih cun, “a big step backwards” a ti, Barack Obama nih, “attacking the essential freedoms of millions of Americans” tiin comment apek, President Joe Biden nih, “It’s a sad day for the court and for the country, the health and life of women in this nation are now at risk” a ti, Republican Politician hna nih cun, Supreme Court biachahnak hi an support tlangpi deuh khi asi.

Pathian riantuantu hna ruahnak ah, Franklin Graham nih,”Supreme Court biachahnak cu ka dam chung ah an biachah pawimawh bik asi, Mah Upadi kum 49 kan hman chung ah khan minung 63 million nunnak kan lak piak manh ati, Rick Warren nih, “American million leng hna nih nu pawchung ah um lio hna nih ka lawm e anti” ati, Pastor Jentezen Franklin nih, “Million tampi hna nih kum tampi chung ah kan thlacamnak leh in a um ko cang! Chinchiah tlak asi tiin achim, mah khawkhan lairelnak thar ruang ah hin, America ram ah Nau tlakter nak clinic za tampi cu khar a si ko cang lai, Evangelical Khrihfa hna caah cun, “Teinak Ni” asi, State tampi ah Nau tlak khamhnak Upadi ngeih ve cawlh ding ah beisei asi, vawlei ceu hmuh lo ding American naute Ting tampi hna nih vawlei ceu arak hmuh ko cang lai!

Sources- Premier Christian News, CBN News, Christian Headlines, Al Jazeera etc.