US Stimulus Package Bawmhnak Thawngpang tha tak tak

President Donald Trump nih $900billion stimulus package bill cu tuzan ah minsen a thut I upadi ah a fehter cang. Min a thutnak a ruang bik cu US ah rian ngei lomi cozah bawmhnak, unemployment benefits a eimi 14 million an um. Tuzan i minthut lo ahcun thaizing thawk in phaisa ngah dingmi budget a um ti lo caah le cozah budget chap lo ahcun cozah zung vialte thaizing in khar did ding a si caah a si. 

Minung pakhat nih $600 cio ngah dingmi stimulus check, cozah budget September tiang zong a tel chih. Small business bawmhnak PPP loan zong a tel chih. President Trump nih American mipi nih $2000 cio an ngah khawhnak dingah ka zuam rih lai, ka ngol hlei lai lo, nan hmuh chap ko lai” tiah a ti. A thei lomi caah share tuah chin te ulaw tha.  Source: Salai Lairamthang 

Relchap: GOOD NEWS:-US $ 40 te lawng in 2021 Toyota Camry Mawttaw Car bak i Lak Khawh a Si

US i Chin mi caah thawngpang tha pakhat a um. Chin Community of Indiana nih cun Lucky Ticket a tuah i US dollar $ 40 te lawng in 2021 Toyota Camry mawttaw car bak poh khawh a si tiah an langhter. Hi Lucky ticket hi Chin Center Operation leh Building fund caah tangka an kawlnak a si. Vanthat cun laksawng phun phun le 2021 Toyota Camry tiang bak poh khawh a si. Hi ti hin an langhter.

Hi ti bak hin a si ko cang.

Anmah lei nih hi ti bak hin an langhter:- WIN a brand new 2021 Toyota Camry plus more prizes!!! Only $40 per ticket!!Chin Center operation leh building fund hrang ah CCI Fund raising raffle ticket (lucky draw) rak lei cio ding kan lo sawm. Raffle opening date: February 20, 2021.For tickets contact CCI board members or Chin Center at (317)300-1078. Source: Chin Community of Indiana

Relchap:- Christmas ni i Chungkhar Minung 5 Thah an Si (An konglam le Pic langhter a si Cang) 

Christmas ni ah ngaichiat tak takmi thil a cang. An hmanthlak pawl langhter an si cang hna. Chungkhar i minung 5 bak hna cu tukum Christmas ni khan US, Arkansas State ah thah an si. Chungkhar khat i mah zat zat Christmas ni hna i thah an si hi ngaihchia ngai a si. Christmas ni cu zapi caah lawmhnak ni sunglawi a si. Tutan thil a can nak hi US ram Arkansa State ah a si. Chungkhar i minung 5 bak hnu cu thi lak in kah an si.

A thimi hna hi hngakchia kum 8 in tar upa kum 50 karlak tiang bak an si. Zeitluk in dah hi thihnak hi chungkhar pawl caah a fah lai. Khuaruahhar ngai a simi thil pakhat cu tutan i meithal kahnak a tuahtu hi a thimi hna lak in aa tel ti a si rih.

Pope County Sheriff’s Office lei nih an chim ning ah Christmas ni zanlei suimilam 5:15pm hrawng ah phone call kan hmuh i lunghrinhnak a um tiah an chim. Hi thihnak kong he pehtlaiin Palik le dothlattu hna nih biatak tein rian an tuan cuamah lio a si. Vanchiatnak a tongmi hna caah bawmhank Gofunme zong an tuahpiak ti thawng theih a si. Source: Daily Mail