US ummi caah Covid-19 Bawmhnak Stimulus Check (Good News)

Covid 19 Bawmhnak:-Senate Republican hruaitu Mitch McConnell nih Stimulus check le Covid-19 bawmhnak deal kan tuah khawh hlan lo Christmas zong kan khar lai lo tiah tuchun ah a chim. Small business bawmhnak Paycheck Protection Program, caah $300 billions, state and local governments caah $240billion le unemployment benefits zarh khat $300 bawmhnak pek dingmi bill a tel lai ti a si.

President Trump nih Stimulus Check deal nan tuah khawh ahcun min ka thut colh lai a ti. Stimulus Check Deal an tuah khawh ahcun Christmas laksawng a si te lai. Source: Salai Lairamthang

Relchap:-Putin nih lawmhpinak cakuat Biden sinah a tial ve cang, world leader hna lakah a hmahnung bik asi men lai 

US electoral college hna nih president caah Biden an thim hnu tlawmpalah Russian president Vladimir Putin nih Laawmhpinak bia chimh ve cang. Kan theih bantukin in Putin hi vawleicung leader minthang le thil ti kho hna lakah Biden sin lunglawmhnak bia chim hmahnung cem pawl asi. popular vote rel dih asi khan vawleicung ram ngan le ram thawng hruaitu hna nih cun Biden sin ah lawmhpinak an chim dih ngawt. Putin belte hnukhar tu ah a tang i, a fiang cikcek hnu lawngah lawmhpinak caa kuat a tial.

Electoral college hna nih vote an thlak tikah 306 – 232 in Biden nih teinak a hmuh. Biden nih teinak a hmuh hnu tlawmpalah Kremlin lei nih caatlang an chuah cawlh ve, ” president elect nih teinak a hmuhmi cungah Putin nih lawmhpinak a chim. Russia le USA hi an kal ning hawih i dang hmanh se law, vawleicung himnak le ngelngetnak caah mawhphurnak ngan tak tak an ngei. Vawlei nih harnak le buainak phun phun a tawn mi hna dawnghter dingah tuanvo kan ngei tiah a chim” tiin caatlang ah hin an tial.
Biden le Putin karlak pehtlaihnak hi a tha tuk thenglo, mah hna pahnih nih hin rian an tuanti kho te lai maw timi cu ruah awk ngai a um. Trump le Putin nih october thlaah bebate an rak tuah lio ah khan Biden nih cun “Putin’s Puppy” tiah Trunmp hi a rak auh!. Mah bia a theih bakin Putin zong a sum kholo, “Sharp Anti-Russian rhetoric” tiah a leh cawlh bak ve.Mah lioah February thlaah a dawng cah dingmi Arms control treaty cu a caan thawn asi lai tiah Biden nih a chim hnu tlawmpal ah Russian leader nih cun thangthatnaka chim cawlh ve. hi thil hi hmai leiah kan i pehtlaihnak dingah a poimawh tak tak mi asi. hmailei US president pawl he riantuanti dingin Russia cu ready kan si ko hih tiah signal a rak pek bal.credit: Fox news