US Vice President Mike Pence zong January 6 i Trump Dirpitu Republican Senators minung 12 hna Tha a Pek ve Cang

US ithimnak ibuainak cu dih ti a um lo hi the. January 6 ah thil pipa a chuak lai ti hi zumh dih a si. Vice President Mike Pence nih cun Trump thazaang petu  Republican Senators minung 12 pawl nih an i timhmi ah thazaang a pek i dirpi dingin a langhter cang. Mike Pence Chief Staff a simi Marc Short nih cun fiang tein hi ti hin a langhter ‘ Vice President nih cun Vote diklo tuk i thlaknak le cawlcangnak kong ah a buaipi ngai ngai’ tiah a langhter.

Pence nih hin House le Senate i hruaitu pawl timhlamnak hi thazaang biatak tein a pek. Hi minung pawl nih hin January 6 ah phung ning tein Joe Biden President a tlin khawh lo nak ding ah cawlcangh le dik lo in cawlcanghnak tehte (Evidence) langhter dingin an phuan. Tutan ah Trump a dirpi mi lak ah Ted Cruz le Republican Senator pawl tam lak an i tel. Joe Biden hi thim a si lo nak ding ah biatak tein tehte he cawlcangh an itim. Source: Daily Mail.

Relchap:- US senator minung 11 nih Joe Biden nih electoral vote a hmuhmi cu a dik loning in a si caah January 6 ah kan hnon lai, senate nih investigation tuah ding in ka chuahpi lai tiah fiang tein an chim cang. Mah senator 11 hna cu senator Rand Paul, John Kennedy, Marsha Blackburn, James Lankford, Steve Daines and Mike Braun, senators Bill Hagerty (TN), Tommy Tuberville (AL) le Cynthia Lummis (WY), hna an si. Senate nih Election commission ser i thimfung dik loin an thlakmi vialte investigation tuah hnu ah electoral vote certified tuah than a hau tiah an chim. Coronavirus pandemic ruangah state tampi ah election phung an thlen ruangah tutan thimnak cu a nawnnok dih tiah mi tampi nih an ruah. Source: Salai Lairamthang