USS Zumwalt-Class Stealth Missile Destroyer thar tha bik cem hna cu West Pacific lei ah China hmunhma ngeih timnak hmun ah kalter asi than cang,

Naite ah khan US Navy pawl project arak ngeih cang nak ah, an kutchuak an bohsan ngai ngai mi, Zumwalt-class Stealth Missile Destroyer cu Indo-Pacific region lei ah, nawl ngeihnak a cuhbuainak fakpi in aphan cuah mah lio nak karlak ah, adang hna bawmtu ding ah China hmaika pawng te ah kalter/luhter asi, Hi US Navy pawl ticung lei ah idohnak lawng atu lio bikbik hna pawl, Zumwalt- class Destroyer nih hin Pacific thlang lei ah mission tuahnak zulh peng lio in, US hypersonic missile hna cu, hi ka hmun ah luhter nak ding ah kalter tiin, CNN nih a tarlang mi asi.

Hi ka hmun West Pacific lei hi China nih hmunhma lak tim in, akal pengnak hmun asi fawn tiah tarlan asi, Tukum May thla ah khan PLA Carrier battle group Liaoning pawl nih, Japan nai nak ah Miyako Strait cu kal lonh in, Western Pacific lei ah military drills ngei ding in a kal chuak, 2021 ah khan China le Russia raldohnak lawng hna nih cun, regional joint patrol an vawikhat ngeihnak ah anrak hmang cang fawn kha asi.

USS Zumwalt hi multi-mission guided missile destroyer pathum angeih hna chung ah, a hmasa bik siin US Navy hna nih cun, mah hi idohnak lei ah le ral hna lak ah nunzia thar pek in, tlamtlingter asi khawhnak beisei asi, Cun, hi stealth warship hi kalchuah asi ve cang ah cun, China nih arak ngaihven ve bak zum asi.

August thla ah khan Euro Asian Times nih Zumwalt-class destroyer pathum hna cu, Long-range hypersonic hriamnam hna hmang in thuam ding asi kong arak tarlan cang fawn kha asi, Missisippi lei lawng tuahnak hmun Huntington Ingalla Industries (HII) lei ah, mah destroyer hna ah hin vuah/fit asi lai tiah tarlan asi, march thla ah Program Executive Office nih a tarlan ning in, Zumwalt hi hypersonic missile hmang in upgrade ding in, October 2023 ah hramthawh tim asi.

Mah ral dohnak lawng thar le tha ngai mi hi China hmaika pawng te ah, akilter mi nih hin hi ka hmunhma ah buainak ven ding le China naih nak ah, hypersonic missile hna chiah in, China kap phak ah um khawh hi an timnak zong asi, US long-range hypersonic hriamnam hna hi, ramdang pawl nih an ngeih ve mi pawl-land-based wheeled transporter erector launchers (TELs), ral dohnak lawng ah VLS tubes chung ah maw bomber pawl tang lei ah, an ken khawh mi chung in, launch bantuk pawl thuat khawh ding ah tuah mi asi.

US Navy nih kum 2028 in air-launched, air-breathing hypersonic anti-ship cruise missile hna, ngei le hmang khawh ding in an chim cang kha asi, Cun, mah hriamnam hna hi boruak sang nak karlak ah, China le Russia hna dawnkhan/khamhnak ding tha tak mi asi lai tiah tarlan asi fawn, US Navy nih 2023 fiscal year caah hin Hypersonic Air- Launched Offensive Anti- Surface Warfare Missile (HALO) caah budget provision dang lian ngai a ngei fawn khi asi.

Zumwalt hi Guam ah an idin hnu ah September 26 ah khan Japan a phan, US leng lei ah US Navy destroyer squadron lian bik, Destroyer Squadron 15, Tokyo pawng ah Yokosuka Naval Base ah thut hmun ngei in umter asi, US Navy hna nih hin destroyer pawl caah, hypersonic hriamnam hna cu kum 2025 hnu ah hman tim in, Virginia class nuclear- powered attack submarine pawl caah, kum 2028 in hman an tim fawn khi asi, Zumwalt cu hypersonic missile hna, hmannak platform hmasa bik an si fawn lai tiah an ti.

US Navy hna nih cun Zumwalt cu vawlei ticung lei ah ral dohnak lawng lian bik le technology lei zong ah, thiamnak thar le cangkang bik a asi kong an tarlang asi, USS Zumwalt hi 610 feet (185 meters) sau asi, 16,000 metric tons hrawng rit a si fawn, vertical launch cells 80 bak cu, anti-submarine le land-attacking missiles hna launch-nak ding ah fit asi, Western Pacific hmun ah Zumwalt chiahchuah asinak hi, a thatnak dang cu China ral dohnak lawng rual pawl chung ah, a lian bik le PLA Navy pawl ta- Type 055 Destroyer naih te ah chiah khawh asi ve fawn khi asi.