Vawlei cung ah Film tuah hartuk mi le tangka tamtuk dih nak cu” Top Gun: Maverick” nih kum 36 hnu ah a pehnak arak chuak cang,
“‘Top Gun: Maverick’-nih vawikhat ah $ 124
‘Top Gun’ film hmasa an chuahter hnu in kum 36 aliam cang, mah film zoh duh ah a nghaktu hna nih can sau ngai an nghah hnu ah, a pehnak cu arak chuah bak ah khan, ni thum chung te ah $124 million bak alut cawlh khi asi a turu taktak mi asi, Tom Cruise cu kanrak theih ceu mi asi, lem cang thiam zia zong kan theih, Academy awards zong pathum arak ngah cang mi asi fawn, Film zong tampi lemcang in tuah asi cang fawn, mah film acangnak le atuah cang mi vialte chung ah cun, ‘Top Gun: Maverick’ nih hin tlangzarh karlak te hmanh ah tangka tampi lakluh bik nak zong asi, Tom Cruise film cannak vialte ah tangka an hmuh mi fawnh dih in $10.1 billion atling khi asi.
Zar liam can chung ah khan US-ah theatre 4,735-ah chuah arak si, $126,700,000 bak ahmuh, North America Box Office-ah khin nizan tiang ah khan $170 million alut tling cang fawn, ram dang dang in tangka lut mi vialte fawnh in, $282 million atling cang fawn khi asi, Critics-hna zohnak lei tlang pakhat in Kum 1986-ah chuahter mi ‘Top Gun’ kha azoh cang mi nih cun, hmuhnuamtuk tiah an tizia an chim tawn mi asi, Atu ah hin peh than nak arak chuahter mi ‘Top Gun: Maverick’ hi film review-tu cheu khat nih cun film hmasa nak in a ropi deuh ko tiah an ti.
Rotten Tomatoes lei zong ah review-tu an tami ko, critics 327 hrawng nih review tuah in rating 8.2/10 million bak ahmuh, Naite ah khan film tlangzarh chung ah cun rating hmu sang bik pawl asi, Miles Teller, Jennifer Connelly, Jon Hamm, Glen Powell, Lewis Pullman, Ed Harris, le Val Kilmer-hna cannak film hi a ropi deuhdeuh ding in alang ko cang, Tukum chung ah film tlangzarh hna chung ah tangka lak luh tambik cem, pasarih nak ah a um cawlh fawn, Hmaizar lei hna ah cun tangka dirhmun hi fakpi in asang chinchin ko lai tiah zumh asi fwan mi khi asi.
Film lem cang lio le shooting tuahnak vanlawng hman mi hna vialte le tangka budget an chiah mi hmanh aturu tuk mi khi asi, mah tluk in film tuah har mi hi adang a um ti hnga maw? ti khi asi, an film can chung kum zei maw zat ah adih mi tangka hi fiangtein chinchiahnak a um lo hmanh ah $ 80-100 karlak million asi lai tiah an zumh khi asi, mah tluk film can hartuk mi long si lo in can zong tampi aduh nak chan asi fawn, mi tampi hna nih cun kalung adongh bak cang kahuam ti lo ti ding khi a awl ngai lai, Sihmanhselaw lungthin pitling tak le timnak fektein ngeih arak sinak le lung sau tein anrak tuannak theipar kan hmuh cang mi asi, mahruang ah cun tangka zong tampi hmuh ding ah zumh asi ve fawn.
Film thar dang ‘The Bob’s Burgers Movie’ cu theatre 3,425-ah chuah asi $12,435,000 lak luh asi, pathum nak asi, ‘F3: Fun and Frustration’ cu 10-nak asi phak fawn, Box Office Mojo chart-ah film 28 long tarlan asi, mah chung ah cun ‘Rite of the Shaman’ (24) le ‘A Chiara’ (25)-hna cu film thar an si fawn.
Box Office top 10 ah lang pha pawl cu:-
1 Top Gun: Maverick -$126,700,000
2 Doctor Strange in the Multiverse of Madness -$15,855,000
3 The Bob’s Burgers Movie -$12,435,000
4 Downton Abbey: A New Era -$5,750,000
5 The Bad Guys -$4,340,000
6 Everything Everywhere All at Once – $2,510,345
7 Sonic the Hedgehog 2 – $2,435,000
8 The Lost City -$1,835,000
9 Men -$1,224,692
10 F3: Fun and Frustration -$1,028,000
Top Gun: Maverick
Plot [ edit]. Over three decades after the events of Top Gun, Captain Pete “Maverick” Mitchell is a U.S. Navy test pilot…
Cast [ edit]. Tom Cruise as Captain Pete “Maverick” Mitchell, a test pilot and flight instructor, training a group of…
Production [ edit]. Development of the film began in 2010 when Paramount Pictures made offers to Jerry Bruckheimer and…
Music [ edit]. The film’s score was composed by Harold Faltermeyer, Lady Gaga, and Hans Zimmer. The soundtrack was…