Vawlei cung ah tih anung bik mi Intelligence hna chung ah “Spy Mossad” pawl nih cun Iran File ngeih dih asi cang tiah,
Vawlei cung ah tih anung bik mi Intelligence hna chung ah “Spy Mossad” pawl nih cun Iran File ngeih dih asi cang tiah,
Iran File tiah kan titik ah hin mi tampi nih an theihthiam lo khawh men, a sul lam cu Iran nih hin Nuclear ngeih ding kong ah hin, an ngeih khawh lonak ding ah dawnkhan/khamh/block aphunphun in lam kawlnak asi, PM Hlun Benjamin Netanyahu san lio in, Iran nih Nuclear Weapons an ngeihnak ding ah, lam tampi kawl in, Iran nih Nuclear weapons ngeih kho lonak ding ah lam kawltu ti phun zong in chim khawh thiamthiam asi, Obama lio ah Iran hrennak zalonter asi hnu ah, Trump can ah mah agreement cu duh lo in an chuah tak diam kha asi, atu ah US President Joe Biden administration le IAEA hna nih Iran Nuclear Weapons ngeih lonak ding le Donald Trump nih Barack Obama era deal achuah tak mi kha sersiam than tim lio asi ruang ah asi.
Iran nih Nuclear weapons an ngeih khawh bak ah cun Israel ram ahim ti lo tinak zong asi, mah caah cun Biden nih hma an lak lio hmanh ah Mossad hna cu daitein an um bak lo, Iran weapons ngeih khawh lonak ding ah idin bak lo in lam kawl peng khi asi, Biden administration nih Iran Nuclear Deal an biaknak adongh lei an phan deng mang cang phun in thawng pang theih asi, Israel Spy Mossad hna nih an Organization senior role ca ding ah Nu pahnih 2 lak chih than an si ve cang fawn, atu ah hin Mossad chung ah history tuah in Nu 4 bak an ngeih cang khi asi, Israel miphun hna cu kanrak theih tawn bantuk in athleicia in Pathian nih fimnak, thiamnak, rumnak, thil ti khawhnak tiang thluachuah an hmuh ko cu mu!!
Nu ‘A’ tiin an auh a min atuh/duplicate ngeihter dih an si, pin ah mah amin cu ‘head of the Mossad Intelligence Department’ ah an chiah, Nu pahnihnak cu ‘K’ tiin an auh cu ‘head the Iran Department’ Wonder Women ah chiah asi fawn, kha ti khan cun Iran nih Nuclear Weapons an ngeih lo nak ding ah, hma laknak ding zong ah rian rang asi pin ah, tha zang an ngeih deuh deuh lai tinak zong asi, tih an nung tak tak mi asi aruang cu, Mossad hna hi hriamnam phun tling hman mi an si, bomb puahter nak ah control ning phunphun le hmarua phun tling bak in ngeih ceu mi an si, lemcan thiamtuk mi zong an si, an cawlcangnak hi turu taktak khi asi tawn.
Iran Nuclear weapons file ngeih dih tinak asul lam cun, Nuclear power zeizat dah an ngei cang timi le Nuclear tuahnak power aluminium zeizat dah an ngeih ti hna tiang an theih dih cang lai, mah an thil cu an ngeih ning tam le tlawm ah ahngat ko lai, atu cu an ngeih tamtuk cang an ti ah cun, Former Ex-PM Natanyahu san lio ah Iran Nuclear power anrak bomb chiah piak dih bantuk khan, an bomb piak tawn lai tinak asi, mah cu tih anungnak asi, khawika hmun in dah arak bomb timi cu, Iran nih atheih khawh bak lo khi asi, nain Mossad pawl thil tuah asi timi cu an zumh thiam thiam ko.
1972 Munich Olympics lio ah Palestinian ralhrang pawl nih Israel sport men zei maw zat an hren hnu ah an thah dih mi kong ah, Israel thinhunnak cu vawleipi nih kan theih ko kha mu, Mossad pawl hmang in vawlei khawika ram hmanh ah a um zong ah Israel kut sau ngai mi nih arak phan thiamthiam ko lai tiin, mah lio ah Munich Israel mi thahnak ah a hnamhnawih mi vialte cu kum hnih chung in an ithupnak ram khawika ram hmanh ah thah dih arak si, Palestinian Hruaitu Arafat nih azum bik mi zong thah arak si ko kha mu!! Zarih kose,