Vawlei cung Democracy le Communist tiin maw akal cang lai? Democracy le Communist kal ning ah ram 2 idohnak nih alanghter cang maw sihnga?

Communism le Dictator uknak hi cu unau asi kan ti zong ah asualnak atamtuk lai lo, Communist si an duh rih mi Russia tiah atimi caah cun vanchiatnak pakhat cu asi ve bak ko khi asi, A hmasa ah hin Putin hi raltha ngai in thuat siselaw teinak an hmuh hrimhrim ko lai timi cu afiang ko, an ral zong asi lo mi Ukraine thuat lo in an caah mi hnawksak ah an ruah mi, USA hi thuat lawlaw selaw amin zong atha deuh ko lai an ti, Mi raltha dik tak mi cu, an ngamh mi thuat long si lo in an ngamh lo mi thuat hi, mi raltha le mi ropi sinak an ngah tawn khi asi, mah caah cun Ukraine President Zelensky nih ralthatnak le mi ropi sinak vawleipi theih ah arak pho zar hi asi ko cu mu!

Russia ram caah hin zeitik can poh zong ah Ukraine ram hmete hi Russia caah buainak le mi hnahnawh asi lo hrimhrim khi asi, an ram caah zei hmanh buainak angei lo mi Ukraine an doh ruang ah Russia min long si lo in President Putin min tiang mualphonak lian bi kasi ko, Pathian nih hin aduh bik cu amah Siangpahrang si biknak Theocracy hi asi, Bible kan zoh ah cun Israel fa hna nih Siangpahrang an ngeih hlan ah, khawkhan laireltu nih bia an ceihnak cu Theocracy asi, Vanram zong hi Theocracy asi lai, Pathian nih hin Theocracy hi kan caah akan duhsak bik ko nain, Sual sal ah a tlu minung hna nih hin thil dang kan duh ruang ah Siangpahrang Bawi ngeih (monarchy) le Mipi khawkhannak (Democracy) hi akan pek mi le akan pawm piak mi asi.

Kan ralpa setan nih hin thil tha bantuk in langhter nak phen ah, alem/atuh hmang in minung hna hi a hlan lio pi in akan thuat/ akan thlen atim peng tawn khi kan si, akan thlennak ah hin thil tampi ah tlamtlinnak angei timi hi fiang ngai ngai in theih khawhnak evidence zong hmuh ding a um ko khi asi, Communism uknak hi setan duh ning lei in ruahnak achuak mi asi timi hi mi tampi nih kan rak hmuh thiam tawn lo mi zong asi ve fawn, Communist hi abia le hla ah atha ngai bantuk in alang tawn ve ko nain, asinak taktak ah cun arak tha lem lo khi asi, A that lo zia cu tu lio communist nih angei mi ram hna in a fiang ngai ngai ko.

Dictator ngeih ram hna hi an uknak ram chung ah hin thil fawi ngai bantuk in lang ko hmanh selaw, acoyah caah cun atha, asi nain mipi civil mi caah cun thil tha lo bik uknak asi, aruang cu mipi nih in le lo, business lei le thiamnak lei ah siseh, politician hna nih zeihmanh chimnak nawl angei lo pin ah, Human Right upadi zong ngei lem lo, acung lei nawl ngeitu duh ning in um ve tawp hi asi ko, mipi nih zalongnak an ngei lo, Biaknak lei ngei mi hna hi an duh lo ngai ngai bi kasi fawn, Democracy phung nih hin cak/thawn lonak zong angei ve ko nain, Democracy ram asi cang mi nih communist uknak phung ah alet/lut than timi hi a um tuk lo tluk asi, mah lio ah hin communist ram ah um mipi nih hin Democracy ram ah um mi hna hi an duh ngai ngai in an uar ve ngai ngai tawn ko khi asi, mah caah cun dakaw vawlei cung ah refugees tamnak chan zong arak si.

Communist ram ah cun duh duh chim khawhnak nawl mipi nih an ngei lo, acoyah zong soisel ngam asi lo, Democracy ram ah cun dan/dun tang ah zalong tein mipi nih duh duh chim/rel khawh asi, acoyah zong athat lo ah cun soisel ngam asi, kan in kan lo, kan thil ngeih ah, sawletnak ah, mi dang cung ah hrawkhrawl nak ngeih lo ding tiang right kan ngei mi asi, mipi le biaknak lei zong ah free in tuah khawh chim khawh um kal khawh asi, Communist ram ah cun thil tampi mipi an theihter bal lo media hna zong an free bak lo, acoyah nih transparent govt an ngei ve khawh lo, Democracy ram ah cun acoyah nih transparent in thil lang dih in an kalpi khawh, mipi nih ram caah Idea tha an ngeih ah cun acoyah sin ah an chim khawh mah cu rampi than chonak hram thawh lampi bak asi.

Cre: Moses pa