Vawlei ram ropi bik dawttu nih ram hmete cu nikhat te hmanh aza lai lo kalak khawh cawlh lai tiah ati, Asinain ni 23 chung an lak kho rih lo zeidah achan or aruang?
Ram ropi an cak lo chan?
Russia nih Ukraine ram an thuat/dohnak ah an ruah ning le an beisei ning in, an cawlcang khawh lonak kong Victor Zolotov Chief of National Guard nih an chimnak cu, Russian ralkap hna an nep lo tiah theih asi fwan, atu an cawlcangnak hi zei dah aruang? Mithiam analysts dang dang hna nih Russia ralkap hna an hmuh ning hna hi kan zoh lai, Kamil Galeev nih antuaktan ve ning ah Ukraine lei si lo in Russian army lei long ah:-
Putin-nih pumpak personal duh ning an ngai pawimawh tuk ruang ah, Ram hruaitu a si ko a thil tim mi cu a kalpi ding asi ko, Asinain thil tlamtling ding ah cun, an Ralkap hruaitu hna sin ah nawl pek hi hmunthum cheu ah hmunhnih tal hi ralkap hruaitu sin ah pek ding asi, amah Putin nak in Ralkap hruaitu hna hi Experience ngei deuh mi hna an si, naiin Putin nih an ralkap hruaitu hna advice pek apawm piak duh lo ruang ah asi, raldohnak lam theih fiang bik cu ralkap hna an si.
Russia ralkap hna dirhmun hi aniam ngai an ti, Russian society in an tuaktan ning ah, an ralkap kal ning hna ah hin an dirhmun hi asang lem lo, aruang cu Russia hi mi tlawmte nawl ngeihnak ram asi, hruaitu hna nih dandun hna kenter ding ah, ralkap hna nih nawl ngeihnak an lak sual lai tiah phannak an ngei ruang ah, ralkap hruaitu hna sin ah nawlngeihnak tlawm palte long pe kasi caah, ralkap nih thazang an ngei tuk lem lo khi asi, vawlei hmun dang hna bantuk in ralkap nih nawlngeihnak ram political le mipi nawl ngeihnak an lak bantuk in an lak sual lonak hnga tiah, Russia nih an ralkap vennak ah atu bantuk akalpi mi asi an ti, mah caah cun Russia ralkap hna nih raldohnak lei ah thazang an ngeih lonak bik cu, ralkap ihruainak lei ah tha zang ader ngai tiah an ti.
Russia ram mipi khuasak ning zatlang nun hi asangtuk lem lo an ti, achan cu dictatorship nawlngeihnak tang ah, pumpak zalongnak hi an ngeituk lo tik ah, zatlang nun hmannak ah siseh, thiamnak lei ‘intellectualism’ zong ah ralkap hna nun hi an sang tuk lem lo, minung hi acoyah uknak tang ah nun zalong le zalong lo kar hi arak biapi taktak ko caah, Russia ralkap hna nih hin an ram cung ah hin ram dawtnak taktak si lo in, cung lei nawl peknak ruang ah cawlcang ve cauh khi asi, mah caah cun Ukriane ralkap hna nih an ngam ngaingai nak chan asi anti fawn.
Russian Mafia hna nih ralkap hna hi an ngam ngai khi asi, chanhtu hruaitu le khawkhan laireltu an hmu lo an ti, December 2021 ah Russian mafia anti mi hna nih ralkap hmun (army base) ah lut in NCO le officers hna sin ah, tangka an hal ngam tiah an ti, Syria lei ah kal mi Russia ralkap hna hi tangka an ngei ve deuh tawn khi asi rua, mah hna sin ah khin Russian Mafia an timi pawl nih khin tangka ahal piak tawn an ti, amak ngai ko, Mafia an timi hi theih fawinak in Misual hruaitu hna tinak asi, an tlaih zong ah sau jail an tanter lo ati, Mafia hna nih hin russia ralkap hna hi an hrocer pin ah kut hna an thlak tiah chim asi fawn, Russia nuclear hriamnam zohkhentu ralkap tiang in, Russian mafia hna nih hin tangka an demand (tribute) ngam khi asi tiah an tial fawn, hei hi Russia ram khuasak ning le nun phung hna asi tiah an ti.
Acung ah langhter cang bantuk in Russia ralkap hna hi a nep lo, asi nain acoyah uknak tang ah izohkhen ning dik lo le ning cang lo ruang ah hin, Russia ralkap hna hi thazang ader mi asi tiah an ti, ralkap hna nih hin thathonak/phurnak an ngei lem lo khi asi, an ralthatnak lam a um lem lo fawn, low morale or demoralized army an sip hah tawn, mah caah cun Russian army hna hi naite ah idoh nak in hlapi in bomb le meithal kah khi an rian le ral doh asi ko, Idea tha ngeihnak in hriamnam ah ahngat tawp khi an lungput deuh khi asi an ti, (artillery centric army asi cu) motor ah ahngat mi ralkap zong asi an ti, (‘mainly vehicle based groups’ tiin) an chim,
Hmun rawn 20° nak sang ah tank le ralkap hna hi aan chiah kho lo tluk khi asi, khuachung idohnak urban warfare ah Russia ralkap hna hi thuat/doh nuam ngai an si an ti fawn, US ralkap hna zong nih Mogadishu ah an cawlcang ning atha tuk lem lo an ti ve ko kha, Russia ralkap hna nih hin hmailei ralthuat le ibawm (Tactics le logistics) hi, t uhlan ah cun Russia hna zeitluk an ral hna athawng ko hmanh ah idin bak lo in thuat (attrition) hi asi tawn ko, an nun aliam tiang pum ape mi an si an ti, atu hnu ah cun acoyah hruai ning ah Russia ralkap ah hin an lut duh tuk hna ti lo caah, Russia ralkap lak hi hramhram in (conscript) lak taw nasi tiah chim asi fawn, Russia convoy sau ngai kan hmuh mi hna kha, harsatnak ngei lo ding an si cu, nain zei ruang adah Ukraine ralkap nih an tei hna? Nan rel ve ceu ko kha mu! Oil, hriamnam hna ah harsatnak le ei/din hna ah harnak an ton ko kha, mah cu Ukraine nih chance tha ngai ngeihnak arak si. Peh than ding.
Article by Moses pa