Vawlei ram ropi bik mi 5 hna- US, Russia, China, UK, France hna nih cun idohnak Nuclear le Arm Race ngeih lo ding ah an ceih mi cu,

Vawlei ram ropi 5 hna-US, China, France, the U.K & Russia, Nuclear Weapons ngeih dih mi hna ‘P5’ -United Nations Security Council Permanent Member hna nih cun ‘Vawleipi hi hnangamhnak a um khawhnak hnga, Planet Earth hi umnak tlak asi khawhnak ding ah, Nuclear hriamnam hmang in idoh le hriamnam lei ah i-al nak a um lo nak hnga bia kam ngei in bia chahnak an tuah tiah thei asi, Vawlei ram lian deuh mi hna Nuclear Weapons ngei ram hna le Nuclear Weapons idohnak hman lo ding in hma laknak, ‘Treaty on the Non-Proliferation of Nuclear Weapons (NPT)’ cu Covid-19 Pandemic ruang ah dinter asi cang, Tension China Russia le US karlak ah asang ngai, a bik in December le January ah hin Ukraine ruang ah US le Russia tension a sang deuh fawn hna khi asi.

Ram 5 – P5 hna nih cun an cathanh chuah nak ah, “Nuclear hriamnam he idohnak ah aho hmanh thawngdeuh le cak deuh a um kho lo, mahr uang ah cun  idoh lo law law ding kan si ko tiin an ceih mi asi, A nuclear war cannot be won and must never be fought” Permanent UN Security Council members China, France, Russia, the UK and United States, “Nuclear Weapons hmannak ah siseh, tuahnak ah siseh, hmalak ding in ceih asi, Nuclear hriamnam hmannak hi zei bantuk in dah vawlei a hrawh khawh lai timi hi theih asi lo, Nuclear Weapons hi kan ngei kan hmang peng asi zong ah, mah ram vennak/defensive purposes & idohnak chuak ding mi vennak ca long ah hman ding asi, Nuclear Weapons kan ngeih mi hna hi, ning cang lo in maw asi lo ah timh lo deuh in maw hmannak aphan lo nak ding ah, kan ralrin a herh lai” (English text released by the White House).

Russia le US Ukraine ruang ah tension a sang ngai ko, China President Xi Jinping tang ah, hriamnam le Economics ah an thang ngai ngai ko, China official Xinhua news agency ah, vice foreign minister Ma Zhaoxu nih P5 ram hna nih agreements an sign mi hi tuantinak tha ngai mi aphanter khawh ka zumh, Cun China zong nih beisei nak sang ngai ka ngei tiah a chim, Russia zong nih P5 Declaration hi an welcome ngai ngai ko, Kremlin spokesman Dmitry Peskov nih RIA Novosti news agency, sin ah a herh ning in Russia nih P5 ram hna he ceihti peng ding in kaupi in lungthin angeihnak kong achim ve khi asi, mah ram ropi 5 hna nih atu bantuk in Nuclear kong ah ceihtinak an ngeih mi hi kan vawleipi caah thil tha tuk mi asi tiah news site ah langhter asi fawn.