Vawleipi hi adonghnak lei asi cang ko rua? US le China nih hin ralpi achuahter ko cang lai hih? a ho nih dah akhamh kho lai?

Vawlei hi adonghnak lei panh in akal cuahmah lio pi asi ko cang, Pathian bia bang in vawlei adonghnak ah cun ram pakhat le pakhat an idoh lai, miphun pakhat le pakhat an idoh lai, pa le fa, Nu le fa ti bantuk in remh lonak long te asi cang lai, zawtnak hrik aphun phun le mangtam atlung lai ati mi hna hi adik deuh deuh bantuk in alang ko cang, Zumhtu fa hna caah cun ready tein um aherh bak ko cang, United Nations nih New Cold War vawlei ram lian 2 China le United States hna nih vawlei thil tikhawhnak acuh bak mi asi cang, ram dang hna dirhmun tha lo ah adirter lio asi cang fawn, United Nations zong a au peng ko cang.

U.N. Secretary-General Antonio Guterres, annual United Nations meeting ah vawlei ram hruaitu hna itonnak ngeih ding ah, The Associated Press nih an kawmnak ah, vawlei ram boruak le umtu ning nih hin, idohnak achuahpi sual lai timi hi tih nung asi cang tiah, Guterres nih achim pin ah vawlei ram 2 US le China hna hi, human rights, economics, online security & South China Sea sovereignty ah buainak um lo in tha tein riantuan ding an si ko nain, atu ah cun idoh ding ah challenge tuah veve bantuk in an um ko cang tiah ati.


Mah power ngeih ram lian 2 hna hi tha tein ibiakchawnhnak ngeih hi bia pi ko, remdaihnak ding ah lam kawl zong aherh, vawlei pi nih Climate Change, Covid-19 le buaipi ding tampi kan ngei, rian tuan cawk lo in akan dawn peng fawn, asi nain mah vialte hna hi superpowers ram hna nih remdaihter an timh lo ah cun, international community caah tingainak aum ti lo, vawlei nih hin idohnak ngeih ding asi lo, idohnak nih vawlei athangchoter lo tiin UN nih heset a auh chuahpi ko khi asi.

Biden’s warning to China: AUKUS Alliance arak dir hawi tik ah, Indo-Pacific ah QUAD Group adir lio fawn, European Union, China, North Korea, New Zealand, Canada hna an lung asi lo ngai ngai hna, China State Media nih Australia Nuclear Weapons target khawh a ti, Biden nih USS Wyoming (SSBN-742), Ohio-class ballistic missile submarine hmang in Cape Canaveral, Florida ah ‘Demonstration and Shakedown Operation, designated DASO-31’ ah Trident II nuclear missiles arak kap fawn.


Cold War Soviet Union le United States karlak ah kanrak hmuh cang, 1991 USSR a tluk chiat hnu ah azia um deuh ko cang nain, U.N. chief new Cold War Soviet US karlak ah umnak in arak chait deuh an zumh, “Zei poh hi vawlei ah hin anmah sining ceu in an cawlcang ko khi asi, a hmasa ah vawlei arawk cang mi zong atu tiang kantuar rih ko lio ah, atu ah AUKUS Submarine deal thar hi buainak le mah nih hin China & the United States karlak achiatter ko lai.


August ah China & Russia joint war games an ngei dih ka te asi, Afghanistan ah Taliban an hrang fawn hna cang. Middle East ah Israel le Iran karlak ah idohnak chuahter khawh mi buainak atam fawn, Libya Civil War tu tiang adai kho rih fawn lo,, North Korea zong nih hriamnam thatha test peng asi fawn cang, vawlei hmun cheu khat hna ah rua asur lo caah khawlum tuk ruang ah mi tampi nunnak aliam peng fawn, hmun cheu khat hna ah cun ti tamtuk ruang ah chiatnak aphunphun an tuar, lirnging atlung pah cang fawn, Covid-19 zawtnak ruang ah minung tamtuk hi ni fatin tein nunnak aliam peng fawn, zei thil dah arak phan rih lai?