Vice President Mike Pence Rian Aa Dinh Hlan te i a Bia Chimmi ( Uar a um kho tak tak)

Trump le Vice President hi Khrihfa biaknak aa tlaih bakmi le zumtu tha bak an si. An biafang hmangmi zong ah Pathian nih thluachuah in pe she. Pathian timi biafang hi tam tuk an hman peng. Tutan ah Vice President Mike Pence a rian in aa dinh hlan ah a biachimmi hi uar um tak tak.

A luancia mi kumli chungah US Vice President rianṭuan kho timi hi ka caah a sunglawi tuk i ka nunnak caan vialte chungah a sunglawi khun mi thil asi. Karen Pence, Second Lady le kan chungkhar vialte aiawh in nan cungah kan i lawm tuk tiah chim ka duh. Pathian nih America cu thluachuah pe ko seh. _Vice President Mike Pence. Uar um law law khi si.

Relchap: US PRESIDENT THAR JOE BIDEN nih Ni 100 chung i Tuan aa Timhmi Rian Pawl Langhter a si Cang 

Biden 100 Days Plan le Coronavirus Rescue Plan:  President Elect Joe Biden nih Coronavirus ruangah harnak a tongmi hna chanh chuahnak caah $1.9 trillion hmang in timhlamhnak a ngeihmi cu a thanh cang bantuk in a tawifiannak in ka rak tial lai. Mah plan hi ni 100 chungah cun a tuanchuah khawh lai tiah zumh a si. Georgia Senator thim tharmi democrats palai pahnih Certified an tuah hnu ah an fehter colh dingmi plan an si.

  1. Stimulus Check $1400 ngah than a si lai. Second Stimulus Check $600 he fonh chih in $2000 tiah an ti. Asinain tuan deuh ahcun Biden nih a dang tein $2000 ti phun in a chim nain President an thim hnu ah a bia a dang deuhmi a lo.Tuan deuh i $600 pek lio ahcun kum 17 a chunglei dependent pawl kha $600 ngah a si lo, asinain tutan ahcun $ 1400 hi an ngah le ngah lo ding a fiang rih na loin an ngah men lai tiah zumh a si. A rauh hlan ah a dikdiar in a chuak lai i kan theih te lai.

2. Biden plan ahcun Unemployment Benefit kha zarh khat ah $400 pek ding ti a si. Second Stimulus ahcun zarh khat ah $300 pek a si i, pek caan kha March thla tang lawng a si. Asinain atu Biden plan ahcun zarh khat ah $400 a si lai i, September thla tiang ngah khawh a si lai. Biana ah punghman i $200 a ngah tawnmi nan si ahcun atu an pek dingmi $400 he fonh chih ahcun zarh khat ah $600 lengmang September thla tiang na ngah lai tinak a si.

3.Federal Minimum Wage cu sumilam pakhat ah $15 in karhter a si lai. Atu lio Federal Minimum Wage cu $ 7.25 a si. Asinain New York, Washington D.C tibantuk le a cheukhat state ahcun state cozah nih minimum wage hi $15 tiang a pe cangmi an um. State cheukhat ah mininum wage $15 a phan rih lomi nan um ahcun atu tan plan ah fehter hnu ahcun $15 ngah cio a si cang lai.

4. Coronavirus ruangah Inn man mortgage a pek kho lomi, inn hlan man a pe kho lomi hna caah bawmhnak a um lai. Foreclosure le Eviction moratorium bawmhnak zong September thla tiang a caan an sauh rih lai. 5.State, County le City cozah bawmhnak pin ah sianginn le coronavirus testing caah bawmhnak le Coronavirus khamhnak si phawtzamhnak caah bawmhnak a te lai. 6.Kum dih 2020 caah, ngunkhuai tax nan file tik ah Child Tax Credit timi kha kum 6 in kum 17 karlak ngakchia pakhat caah $3000 na ngah khawh lai. Kum 6 a tling rih lomi ngakchia caah Child Tax Credit $3600 ngah khawh a si lai.7.Small Business caah bawmhnak pek thawnmi PPP loan a si lomi Gran pekmi bawmhnak a um kho lai tiah zumh a si. Mah plan hi House ahcun an pass ciami a si. Senate ah an chuahpi lai i, an pass le cangka Joe Biden nih minthut hnu ah fehter colh a si lai.

8.Second Stimulus Check $600 a ngah rih lomi nan um ahcun tax nan file tik ah recovery rebate credit ti in claim than khawh a si lai. Tax file an tuah piak tu kha nan chimh lai i, ngah than khawh a si lai.9.Joe Biden President a si le cangka ni 100 chung Federal Cozah nih mask i hruk dih ding in a thanh lai.10.President Trump nih Muslim ralhrang an tamnak ram tralvel ban a tuahmi, visa a phihmi ram pawl cu a on than hna lai.11.President Donald Trump nih a rak chuah taakmi, Paris Climat Agreement ah a lut than lai.12.DACA timi kum tling lo in US ah phungning loin a rak lutmi million 11 renglo ngakchia pawl cu US citizen pek dingah congress nih an pass lai tiah zumh a si.13 Siangngakchia hna nih sianginn kainak caah phaisa an cawi leiba Student Loan cu pek rih lo ding in a ngol ter hna lai. [ $10000 tiang cham ti lo ding in a pek khawh men ti a si.14.World Health Organization [ WHO ] lut than ding in biachahnak atuah lai.15.Nu sinak le pa sinak a thlengmi pawl cu sianginn zun inn ah anmah duhning in pa zun nak le nu zunnak ah luh le chuah khawh a si lai.**Mi tam deuh nih an hgalh le an theih khawh ve nak hnga share cio khawh a si. Source: Salai Lairamthang