Zumtu Tha Mike Pence cu an Khua Indiana ah Tah buin Mangtha nak Bia a Chim (VIDEO)

Mike Pence cu a umnak khua te a simi Columbus, Indiana cu DC in a rak phan . Thazaang a petu hna sin ah Mangtha nak biacah a chim pah hin aa sum kho ve lo. A mitthli le a tah aw a chuak. Pence hi zumtu tha tak tak a si. Khrihfa biaknak ningzak bak loin a dirpimi pasal bak a si. An nu pa hin zohchunawk an tlak tak tak. Bia a chim pah hin aa sum kho lo. Video a tanglei ah a um lai. 

A ral bantuk a simi Biden President puai zong ah nuam lo tak tak le harsa ngai in Pasal dirhmun dir in puai dongh tiang a umpi hna. Uar a um kho tuk. Tuni khan a umnak khua te a phan i mipi nih an rak lawmh. Bia an chim ter i aa sum kho lo. A aw tah aw a chuak.  Video hi van zoh.

Mike Pence hi zaangfak te a si. Biden President thar puai cu nuamh lo bu tein a um pi. Hmanthlak pawl hi van zoh tuah hna.

An nu hi thazaang pek a thiam tukmi a si. Uar an um nupa tuk eee.

A ral bantuk a simi Biden cu a lawmhpi khawh. Khrihfa tha tak tak a si. Uar a um bak ko.

Thazaang a petu an khua pawl sin ah mangtha nak bia a chim lio hmanthlak.

Mi tampi nih Tutan Biden Puai a telpi hna ruang ah an thangthat ngai ngai. Democrat lei zong nih an thangthat tak tak. An uarnak comment tete ah an langhter.

Pasal lungput a ngeimi Mike Pence uar a um tuk ee. 

Source: Daily Mail

Relchap: Zhan BIDEN, US President Ca i Biakamnak tuah lio i Bible Ca Cang Lakmi hi Van Rel

Zahan khan US President thar caah le a voi 46 US President si dingin Biden nih biakamnak a tuah. Biakamnak a tuah ah hin Bible ca a hman ve. Bible ca  hmanmi hi hlanlio Bible bang nganpi a hman. An family Bible ca a si tiah chimceih ngai a si. Biden hi RC biaknak in US President a tuanmi a voi 2nak a si. Cun US President vialte lakah a tar bik asi fawn. A kum hi 78 bak  a si. Zahan Biden biachimnak ah Bible ca cang a hman ve. Biden nih a bible ca cang lakmi kan langhter hlan ah tuni Biden biachimmi tlawmpal kan van langhter lai. Zahan US President thar thimnak ah Biden nih “Democray nih teinak a hmuh” tiah a langhter. Naite US capitol i buainak kong ah mawhchiatnak bia tampi a chim. Zahan ah Trump hi a chim cia bantuk in  a lang duh bak lo i Florida i a umnak inn Mar Lago lei ah caan a hmang diam. Vice President Mike Pence tu nih mithmai panh tuk lo tein a telpi hna. Zahan ah vawleicung hlasakthiam minthang pawl Jennifer Lopez le Lady Gaga hna nih US ram hla dawh an sak fawn. Cun zahan 8 pm ah khan America Special timi zan riah dumttinak le caan hmannnak a um i Hollywood minta Tom Hank nih caan a hruai . Zahan ah Biden nih Bible ca cang a lak hlan deuh te ah Tutan vawleicung a buaitertu Covid virus kong a chim. Hi hnu hin Bible ca cang pakhat Salm 30: 5 nak a lak. Hi bible ca cang hi Biden nih a biachimnak ah hin a langhter. Salm 30:5 nak i aa tial mi cu ‘A thinhun cu caan tawite chung lawng a si; a thatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra than ve’ timi Salm cauk chung ta hi  a lak. Biden nih Bible cacang a lak mi chung ah online khrihfa tampi nih lih le hrawkhrol in teinak hmumi tiah an soisel i an lung a tling lo ngai ngai ve. Source: Christian Today