Chin Ralzam hna caah Refugee ID tuah piak ding in ruahman piak asi tiah Pu Zomthang Chief Minister nih ati, Chin Ralzam hna cung ah NGO’s bawmnak cu,

Kum 77 asi cang mi Pu Zoramthang nih Chin ralzam mi hna bawmnak lei ah, Acoyah alu bik asinak in Unau miphun kan sinak langter ngai ngai in, Myanmar ram chung ah Chin fa Unau hna hi kan unau asi tiah chim in, Mizoram le Chin ram unau ifuntom khawhnak ding ah lam kawltu pakhat arak si, Chin miphun hna-I History abuaipi ngai ngai pin ah hma lak cuahmahtu zong asi tiah news site ah langhter asi.

Mizo National Front (MNF) party President zong asi fawn mi Pu Zoramthang hi, Agriculture lei le Environments thatnak lei ding hna hi control khawh ding ah hma an laknak hi mipi caah san tlainak tampi ngei mi asi, ChinRalzam mi hna caah India Central acoyah Minister sin ah vawi 2 tiang amah hrimhrim nih arak hal cang nain tlam atling kho rih lo khi asi, India Foreign Minister cu Myanmar Military council he itonnak an ngei tiah thei asi, Myanmar Bike timi motor cycle hna hi Mizoram chung ah arak ken mi hna hi theithiamnak ngeih piak in mawngnak lei ah cun legal in mawng khawhnak angei lo tiah ati.

Tu hlan ah cun Minister hna nih an khamh/pit bak ko, aliam can ah khan Lawngtlai lei ah ralzam hna nih ning cang lo in an mawng/ drive ruang ah Motor Bike/cycle hna cu hren piak dih asi tiah theih asi, nain an pek than lai tiah an ti, Chin ralzam hna zalong tein an um kal khawh nak ding ah, Refugees sinak ID card tuah piak ding ah ruahmannak ngeih lio asi tiah theih asi, zeiti asi zong ah Pu Zoramthang nih cun Chin Unau hna caah an cawlcangnak vialte hi Chin Unau hna nih tampi lawmnak Leiba kan ngei cang khi asi.

Atu ah hin NGO’s hna nih ralzam pawl umnak camp kip ah kal in ei le din hna, hni puan le thil dang a phunphun hna hi tlawmngai chuah in an bawm peng khi asi, cu pin ah hmun kip ah kan Mizo unau hna nih donation hna khawn piak in atu bantuk dawt ngaingai in an zohkhenh lio ah kan mah Chin Unau lei chung belte nih bia ngainak hi kan ngei tuk lem lo hi apoinak asi, Cycle mawngnak dan/dun theih bak lo in an mawng hna Lawngtlai ah le bang cu an tlaih piak dih tiah theih asi, cun cheu khat hna nih zu din sa ei tibantuk hna an tong tik ah adawhcah lo ngai ngai khi asi, zalongte in kan Unau Mizoram ah thin phannak um lo tein hnangam nak kan ngeih mi lawmtuk ding kan si lio ah cu bantuk tete nih mit hmai akan chiatter sual lai timi ralrin awk atha ngai ko lai.