Hlasak thiam Nungak mui dawh fawn Rebecca Fanai cu US lei in ralzam hna bawmnak ding Concert tuah ding ah Aizawl arak phan,
Hlasak thiam Nungak mui dawh fawn Rebecca Fanai cu US lei in ralzam hna bawmnak ding Concert tuah ding ah Aizawl arak phan,
USA in aram mi hlasak thiam Rebecca Fanai cu 11.10.2022 (Tuesday) ah khan Lengpui Airport ah arak phan cang, Mizoram in tlawmngai pawl Network for Myanmar IDPs le pawl dang hna nih, Lengpui Airport hmun bak ah anrak dawn hna, Aizawl khuapi ah ropi ngai in an hruai hna khi asi.
Hlasak thiam Nungak mui dawh Rebecca Fanai hi USA ah, Pastor Lalropuia le Pi Lalchangliani hna fanu asi, Rebecca-nih hin Mizoram chung ah Myanmar ralzam hna caah, Humanitarian Aid pek chuah tim in le mah project atuah mi “The compassion Project” cu tlamtlingter ding ah arak ra mi asi fawn.
Mizoram-ah hin zarh 4 hrawng cam ding ah tuaktan asi, acam chung in District kip ralzam camp-ah kal in, bawmnak dang dang hna an pek lai tiah thawngthanh nak ah an langhter, Mizoram unau hna zong nih an thuah khawh tawk ah um kal ve pi ding ah beisei pin ah sawm an si ve fawn khi asi.
Mah project hlawhtling/tlamtling ding ah Mizoram in tlawmngai in an bawmnak le tlun kalpi ding ah, pawl dang dang hna cu, Network for Myanmar IDPs, Aizawl., MZP (Mizo Zirlai Pawl)., Adventist Hospital (Aizawl)., CHO: Chin Health Organzation., le Chin Diaries pawl hna an si.
Networks for Myanmar IDPs pawl huam chung ah hin Youth for Myanmar, MRRCM, NUFDM, le pawl dang hna an tel ceu fawn lai, An project nih a tim bik mi hna cu mah hna hi asi:-
1) Medical Clinics tuah,
2) Ei le din, Hnipuan le thil dang pek chuah nak,
3) Health seminars tuah,
4) Ngakchia caah program an inuamnak lei deuh phun hna le adang dang hna tel dih asi,
Hlasak thiam Rebecca Fanai telnak “Charity Night Live Concert” hi 31.10.2022 (7 Pm) ah Vanapa Hall ah ngeih ding asi, hlasak thiam a lar taktak mi hna Guys from Chin, Sai Wannah, Henz, Aauk, Tinglian, Salai Cung, OmOmi, Angaihteii le Midang hna nih hla an s alai, Myanmar Idol le Mizo ram mino-youth hna nih an uar khun, Benjamin Sum zong a tel ve lai, Guys from Vhin hi a telnak asi.
Ticket Rs 500-1000 man an cawk cuahmah ko cang, Come All.