Ka nupi sualnak zei hmanh angei lo mi cu alung ka fahtukter ruang ah akan liam tak diam,”Lih Bia chim” ka zumh ruang ah mah thil hi achuak mi asi,

Kahawi nu pakhat nih whatapp Group pakhat ah karak add lai mu tiin, member 20 hrawng long te umnak asi, mah group ah cun hawi theih cia mi kan um lo nate in capo bia chim thiam mi hna longte an si caah, kan inuam ngai ngai hna khi asi, mah Group chung in “Par Tha Mawi” he ka in theihnak cu asi, ka hmuh ka tein amui dawh katituk ning cu ka lungthin ah acam cawlh bak khi asi, katheih fiannak ah afim, holhka athiam fawn, hawikawmh ning athiam, nungak molh asi lo timi cu afiang ngai, mah nu theih kaduhtuk nak nih kalung afimter lo khi asi.

Kei mah hi amin in Dr dih cang mi ka si ve ko tik ah Nu lei ah lucky ngei ve lo phun ah kan iruat ve ko kha ka si, Nungak muidawh ngai ngai mi hna zong kawm ding ah atam ve ngai ko nain, kathin lung alak ngaitu le kathin lung inka ongtu cu ‘Par Tha Mawi’ bak hi si ko, ibiakchawnhnak kan ngeih tam deuhdeuh, kaduh nak asang chinchin, ka naiter deuhdeuh khi asi ko, nupi caah ngeih duh tiang in lungthin ah a um cang ko, amah zong nih aka duh ve in akan dawt ngai ve ko in katheih ve, mah lio ah hin nungak pakhat hawikawm tha ngai mi cu iduh taktak si lo in karak ngeih ve, mirum fanu kawl lei ah colledge kal ve mi mui dawh ngai mi asi.


Mah nu cu boruak tawn ning in zu zong adin ve kho ko khi asi, mah hi cu ahawi pa long nih atheih ko, Par tha mawi he cun ithit um ding zong ah kan timh ve cang, ihmuh tonnak can ah hin anun hi upat tlak ngaite le fel ngai khi asi, ka in ah kakal pi tawn cang caah, ka nu he zong chungkhar bantuk in an ikawm ve cang khi asi, can akal peng ko, kan iduhnak le dawtnak cu thuhpheh khawh ti lo tiang afiang deuhdeuh ko cang, kan cung ah zeithil dah aphan lai timi hi aho hmanh nih kan thei lo, theih siselaw minung nunnak hi aning tein akal ko lai nain, Par tha mawi cu ka nupi asi ko cang, ka nuamnak le ka lawmnak nih hin donghnak hrim angei lo phun in ka um.

Ka nupi cu ka duh ngaingai nak ah mihrut ka lo ko, ka nupi zong nih nutling ngai ngai in atuah ding mi hna cu fel ngai ngai in zei poh hi asi ning tein atuah dih ko, ka nu le pa lawm thiam ngai ngai asi fawn ko, zei poh hi amah ah tlamtling dih khi asi ko, zing athawh ah hin kabeng ah aka fawp duhnak langhter in morning aka ti tawn, hospital ah ka kal lai ah aka thlah tawn, ka tlun lei ah aka dawn naite in aka kuah aka fawp pah tawn, zan emergency um lio hmanh ah hospital kal aherh zong ah vuivainak angei lo, ka nupi bantuk nu hi kachuahthan zong ah ka hmu ti lai lo, cu ti asi ah cun zei ruang ah dah ka nupi hi alung ka fahter?


Mah tluk in mipa neptuk mi karak si hi lungchia tuk khi asi, ka ngai sihnak khua ava sau ning ding cu aw! thla 5 ingeihnak kan si cang, nikhat cu patient dam lo pakhat nih hin ka nupi kong cu akan hal, afel maw? kanrak ikawmtawn cang nan nu hi cu amui adawh ngai, afel in afim fawn ko, a pasal hmasa kha asualtuk caah asi, cuti cun sihlah selaw an ithen lai lo khi asi ko nain, nangmah an ngeih caah avan tha ngai in ka theih, mah bia cu kataksa aka hnginter dih, ka zei zong vialte le kalungthin dih lak in thin hun nak in kakhat ko, zei ruang ah ka nupi nih cun ka lak ah thup angei? thin hun ngai ngai in inlei ah kava kir khua karuahmi cu abuai bak ko.

Ka then lai maw? kangai thiam lai? nain kadawt ngai fawn kathen siang lai maw? karuah ah hin then kasiang fawn lo, zei caah ah dah tu hlan an nun ning aka chim lo athup? kalung afaktuk ning zei asi zong ah ka ngaithiam ko lai, kaphilh lai i nuam tein ka um ko lai tiin karuah, in kaphan hnu ah amui kahmuh cu thin hun nak lungfah nak cu kalungthin in arak chuak ko, bia nemte in ka nupi nih aka chawnh mi cu toitup in ka leh! mah lio ah a um tu ning cu aw! naiin duh anung thiamthiam! ka umtu ning cu keimah le keimah ka control kho lo, biak ka zuam lo amah cu ka ngaituk thiamthiam, alak ah zei thil dah karuah, cu ti asi zong ah ka ngaituknak adongh thlei lo.


Ka umtu ning ruang ah ka nupi cu um nuam lo ngaingai in a um khi asi, aruah zia athiam lo, achan akan hal tawn, nain rak kan chawnh hlah mah long tein um ka duh tiin ka leh! aw, zei ruang ah bia dik thei ding in ka hal lo..mah can hna cu kirter kho ning law ka ti ngai ngai..kan kar lak boruak ruang ah lungthin nuam lo ngai ngai in can ahman, rawl a ei lo, zan ahngilh kho lo in can ahman mi nih aka thangter, vakuah in hnem ding ah va fawp ka duh ngai ko nain thin hun nak nih aka khamh peng khi asi, mah lio zong ah ka nu le pa pawng ah cun nun ning tein nuam ngai ngai bantuk in can ahman ani pah len fawn thiamhtiam ko khi asi.

A lungthin chung cu namte chunh bantuk khi asi, vawikhat cu ka nupi nih bia akan chim ka dawt mi ka pasal nau ka puai ko cang e aka ti, mah bia cu lawm in vakuah ding in ka duh ngai ko, nain kalungthin chiatnak le kathin hun nak nih khat lei aka merter cu! pa cu ka si ve ko mu? kava nep ve?? na lawm lo maw? kadawt zeitin dah kalak ah hiti hin nan um zei thil dah asi? achan ka chim ko na ka dawt lo maw si? atap ve ko cang! kalung afak ngai ko, zeiruang ah mihrut in karak cang? ka nupi sualnak ngei lo le poi achim lo mi lung kafah ter? Pathian hmai ah ka bia kam mi buar in khuachia bantuk in ka um?


Carel tu hna mah bia hi nan rak rel ve asi ah cun, Pathian hmai ah bia nakam pi cang mi nupi/pasal kha Pathian lei in arak chuak mi dawtnak nih cun anuam ah siseh harnak ah siseh, tu hlan can aliam cang mi le thil sual hmete ruang ah fahter le ka thil tuah bantuk in aho lungthin hmanh fahter ve hlah mu! ka nupi cu anun ader pah leng mang khi asi cang, alung afak pah nau apuai mi zong alian ve deuhdeuh peng fawn, asi nain fahnak tampi ka pek caah ngan damnak nih atuar ve deuhdeuh khi asi cang, kei nih thathi in ka biakchawnh fawn lo, karuah bal fawn lo, zu dinnak ah kaphan ka zu din nih kataksa achiater ve deuh fawn cang.

Ka nupi nih adonghnak ah cun, anu le pa lei sin ah nau ngeih ding in aka chuah tak khi asi, Nu pa kan si cang ah cun zei poh ah tangti in tlamtling lonak tete ah hmai lei panh ding ka si ko nain, cu bantuk tuah lo in ka nupi ka dawt ngai ngai mi lung kafahter, kei mah zong zu din sa ei ah can kahman ko mi cu rapthlak bik nun asi ko, Nikhat cu tu hlan ah ka nupi thawngpang aka chimtu kha arakra, kan nupa thawngpang cu aka hal, thuhpheh ngeih bak lo in kan nupa kong thawngpang cu ka chim piak dih ko, tu hlan ah bia karak chim mi kha “Lih Bia”asi ko, apoi taktak, rak kan ngaithiam ko mu, nain kei mah zong nih lih asi timi kathei ve lo caah asi.


Na nungak thing ka nupi he kan iduh lio ah nu karak kawmh mi kawllei ah colledge ah akal ve mi, karak chim mi nih khan cubantuk cun aka chim khi asi, nangmah sin ah vachim ko tiah akati caah karak chim kha asi, asi nain ahnu ah cun lih asi timi kha karak theih ko caah, nan nupi cu ngaithiam hal ko mu tiah aka ti cu! ka kekkuai khi asi kalungthin afaktuk ning cu! Nu zei hmanh sualnak ngei lo le mi poi chim lo mi nun kahrawh/chiatter dih cang, aka ngaithiam lai maw? rangtuk in inlei ah ka lut ka nu sin ah “Par Tha Mawi” cu ka hruai lai, rawl ka ei manh lo, rak ei ne ko u, tiah chuah ka tim cawlh cu, ka nu nih kafa dir tarih ati caah ka dir zei dah kanu chim zawk?

Ka aw cu ather deuh ko, ka nu nih cun suimilam 3 hrawng ah khan na nupi anu nih ph-aka chawnh sizung ah nau ngeih ding in a um-i amah zong atha tuk lem lo sirua? kalung amit deng inka katlaih caah ka nu biachim cu katlu lo khi asi, zei cadah na ka chim lo ka nu..nan nupi nih chimrih lo ding ah aka ti caah asi, kathei thiam lo, rangtuk in sizung lei ah cun kava kal, ruahnak zong afim lo, kazak ngai fawn, ka nupi sin ah ngaithiamnak ka hal lai-i aka ngai thiam ko lai, nuamtein kan naute he kan umti hna cang lai, ka nupi lung kafahter ti lai lo tiah ka ruahnak asi, ka va phan cu minung anrak um ngaingai nain an umtu ning ah thin phang muisam asi.


Ka nupi umnak lei ah cun kava lut ka nupi cu ihkhun ah thaba le der ngai ngai in ka hmuh, apawng ah nurse nih cun alungphu arak hmet piak khi asi, kadawt ka aw zong achuak kho tuk lo, ka aw thawng an thei ah cun athangh ko mit au dawh ngai ngai mi poi chim bak lo mi ka nupi nih akan zoh hnu ah theih khawh tilo in biachim angei hnu ah amit cu duhsa te in achin ko cang e, mah hnu ah cun anun dongh khi asi ko cang, ka nupi nih akan hngak khi arak si ko cu! ngaithiam kahal nak kangai sihnak le kadawtnak hna vialte cu ka chim manh ti lo!! kei patling ka sive mi nih zah zong theih tilo in katap katap khi asi, zeidah ka hmuh?

Asi nain hi vawlei cung ah kadawt bik mi ka nupi cu “lih bia” ruang ah kathah mi asi, kalung faktuk ning hi ka umthiam lo khi asi, ngaichihnak zong nih um zia angei lo thisen lumpup hi asi ko kadir hmun cu! ka dawt mi ka nupi kha zei ruang ah dah fahter kasianh? zei bantuk minung dah ka si? ngaithiamnak hal manh lo in aka kal tak diam cu kafahsak bik mi asi, ka fapate cu cawi in kamitthli afar peng ko, kafa na nu hi kathah asi tiah natheih tik ah cun na ngaithiam kho thlei lai lo mu? ka nupi nu nih cun catial mi catlap aka pek cu ka nupi kut tial bak asi.


“Kadawt nan umtu ning ah zei hmanh soiselnak ding ka ngei lo, kei mah hi mitling lo kasi ka nuamter kho lo ka si, rak kan ngaithiam ko mu! kei nih cun thisen far adongh tiang dawtnak ka ngeih peng ko lai! dawtnak hi adongh bal lo, kei hi naka dawt tawn bantuk in, atu hnu ah midang cung ah keimah nak in dawtnak na ngei kho men dakaw, karak ngaitawn ko kha, mah long te hi kavun chim than lai, kei nih cun thisen far adonghnak tiang kandawt ko lai mu, Nan Nupi “Par tha Mawi” tiin.

Ka faksak tuk cu akun in ka kun ko, kamitthli kakhamh kho lo, mah vawlei ah hin iton than nak um tilo ding in kathlah liam cang e, afak ko e, a reltu hna nang nih zong nupi pasal ngeih ding nan si ah, ngeih cang mi nan si ah, aho hmanh nih bia fiang theih hmasa ta lo in mi biachim kha rak zum hna hlah mu! nadawt mi nupi kha fahter hlah mu, zu din sa ei nih hin nuamnak silo in tahnak aka phantertu asi, nupa karlak ah izum lonak nih hin fahnak akan pek, Lih bia hi sau akhan lo timi hi rak theih cikcek hna ulaw.

Keimah bantuk in ngaisihnak na ngei sual lonak hnga lih bia cu fian hmasa ta lo in rak zum hlah ulaw timi te hi..Ka nupi “Par Tha Mawi” kei zong nih thisen far donghtiang kandawt peng ko lai mu, cawnding le theih ding tampi narak kal tak ko hi, vawlei cung ah saduhthah bik nu nava si dah e..kalawm,

Cre: Moses pa