Kan unau Mizoram nih Myanmar Chin/Mizo tuarnak theih in Tuzan ah Zofate Gospel Charity For Myanmar cu tuah asi,

Zofate Gospel Charity For Myanmar cu tuzan Suimilam 8-ah hin an ngeih mi cu, Glory Mizo Channel-ah tuah asi mi ah aho poh tel khawh asi, mah program ah hin Mizoram hlasak thiam le mi lar hna an chuak lai, mah long si lo in mithiam dang dang hna status/story hna ah kanrak hmuh cang mi hna zong asi cang lai, Myanmar rambuai ruang ah harsatnak angeih mi kan Zohnahthlak Unau hna bawmnak ca ding ah tiah, Zofate Gospel Charity For Myanmar-ah hin Hlasak thiam dang dang hna arak lang te lai.


Mah programme hi kan hlasak thiam hna pin ah, mi ṭhahnem ngai dang dang hna le thawngthabia phuang ropi taktak hna, YouTuber le social media lei ah huhang ngeih taktak hna nih mah program hi an tuah mi asi, Australia, UK le US lei ah um mi Zohnahthlak unau zong nih anrak pawmpi ngai ngai khi asi fawn, Bawmhnak cu “Google Pay le bank account” kaltlang in pek khawh asi lai, Vanlalsailova le Esther Jongte-nih mah programme hi host asi lai.

Hlasak thiam le alar ngai mi hna cu kum tampi chung Mizo ah top artist arak si cang mi, Vanlalsailova arak lang lai, atu lio huhang ngeih bak mi Benjamin Sum zong arak lang lai khi asi, Gospel singer lar le Grace film-ah acangtupa bik Zorema Khiangte zong arak tel fawn lai, Nu lei ah cun arak lang ding mi hna hi an tam pi ngai, Tu lio Gospel singer nu ah cun an hlasak Zofa hna nih kan ngai tawn bik mi, Maruati, Duhsaki Khiangte, Hlimhlimi le Lawmi Khiangte hna nih hla an sak lai, mah long asi lo, Mi lar ngai mi le Zofa hna nih atu tiang kanrak upat mi Lalrindiki Khiangte arak lang fawn lai.


Rhyme & Reason Mafela le Dr. Dennis Ramdinmawia hna zong mah can an hman nak ah hin, biacah tawi an chim fawn lai, a ropi ngai ngai ko lai, nan umnak ceu in charity pek khawh ceu asi, mah an tar mi Gpay le Bank account ah atam atlawm um lo in nan chanhkhawh sawm ceu kan si.