Korean Nungak duh a nung Hlasak thiam chung ah a rum/lar bik cem IU-Lee Ji-eun dirhmun,

Hi nungak mui dawh hlasak thiam chung ah a rumbik, A min cu IU hi a min tak tak cu Lee Ji-eun a si, kum 15 a siin hlasak hramthawh asi cang, A hlasak hi mi lungthin alak pin ah hla cool dawh taktak tampi ngeiin asak ning zong a felfai ngai ngai hna.

A mui adawh a hmai apanh ‘cute’ ngai ngai fawn, A album hmasa bik hi ‘Lost and Found (2008)’ siin a dotnak ah hin, ‘Growing Up’ le ‘IU..IM’ a chuah than khawh, tlamtlingnak le ram pumpi ah alar in mi nih an theih ngai cang ko hmanh ah, A lar taktak nak cu Real (2010) album ah single ‘Good Day’ hnu ah khan a si.

Kum 2019 ah khan kha hla kha 2010s ah K-Pop hla ropi 100 chung ah tel asi fawn, Korean Nungak ah cun hlasak thiam le mui dawh mi nunnem asi, Atu hi kum 29 asi, Seoul, Korea ah kum 1993 ah arak chuak mi asi, A album ‘Real’ le ‘Last Fantasy’ ah hin dirhmun sangpi ah rak kai in Korean hlasak thiam chung ah arak tel phak khawh kha asi.

A mah hi hlasak thiam long si lo in, hla phuah thiam zong arak si, Hla phuah hmasa bik Kum 2011 ah khan TV series ‘The Greatest Love’ ah hman ding hla ‘Hold My hand’ timi cu a phuah a si, A studio album pathumnak hi ‘Modern Times (2013)’ siin hi album hi Billboard 25 Greatest Kpop Album 2010s ah pahnihnak arak phak khawh bak kha asi.

A album palinak cu ‘Palette (2017)’ cu a vawikhatnak caah, Billboard World Album Chart ah pakhatnak bak asi fawn, Hi album-ah hi hla lungkuai tak mi ‘Love Poem’ hi siin hla dawh tiah arak timi asi, Kum 2020 ah single ‘Eight’ cu Billboard World Digital Sales Song Chart ah pakhatnak asi than fawn kha asi.

kum 2011 ah khan nungak note lio drama ‘Dream High’ ah hram arak thawh, Kum 2018 ah khan ‘My Mister’ ah lemcang than in hi TV series ruang ah hin Best Actress in TV ah Nomination a hmu khawh, Hotel Del Luna (2019) ah lemcang thiam ruang ah, Best Actress nomination a hmuh than fawn.

IU- Lee Ji-eun nih hin Studio Album 5 le EPs 9 bak a chuahter cang, A album chung ah hin album 5 hna cu Gaon Album Chart ah pakhatnak dirhmun an ngah, Singles zong hi 30 ah pakhatnak dirhmun ngah khawh asi fawn, Korea ram ah No.1 ah hla ngei ngah bik lio asi, Kum 2019 ah Love, Poem Concert Tour a ngeih ah khan Olympic Gymnastics Arena, Seoul ah Concert a ngei.

Korean Solo Female Artist chung ah hi Stadium ah hlasak hmasa bik asi, Korean solo female artist chung ah Seoul Olympic Stadium ah Concert ngei hmasa bik asi fawn, Vawlei Magazine lar Rolling Stones nih tukum ah hlasak thiam (Greatest Singer of all time) an thimnak ah 135 nak asi phak, Kum 2014 le 2017 ah khan Gallup Korean’s Singer of the Year ah thim asi fawn.

A ngakchiat lio in Entertainment Industry ah luh hi aduh ruang ah acting class zong pel lo in akal peng cang kha asi, a timtuahnak ah afiang ngai, Audition 20 bak ah cun tlamtling loin a um, Entertainment Industry lei zong ah fawite in tlamtlingnak angei lo hmanh ah, thil timtuah ah afiantuk caah, a hnu ah vawlei pi theih tiang mi tlamtling arak si, A ngakchiat lio zong ah mi sifak chungkhar in achuak mi asi.

An innak in Studio ah um hi nuam ati deuh, Studio ah acan ah a riak tawn, Amah hi harnak le sifak rethei paltlang cang mi asi caah hin, mi biakchawnh thiam nunnem duh a nung fawn, Tour  hmahnung bik ‘The Golden Hour : Under the Orange Sun (2022)’ zong ropi turu tuk khi asi, $31-45 million ngeiin Korea Nu hlasak thiam chung ah a rum bik, TV Series/Film hi 10 leng lemcang asi cang, a hnu bik hi Broker (2022) a si.