Mrs Grand International Ah Sayama Tlung Boih Aa Tel (PHOTOS)

Mrs Grand International ah Chinmi Sarah Boih A Tel: Tha Pe Cio Uh Si.

Ram 30 ihsin nupinu dawh hleice pawl zuamawknak a si mi Mrs Grand International ih Mrs Grand Myanmar (Standard) ah Chinmi Sarah Boih a tel ih, Myanmar mipi le hmun tin ih um mi Chin mipi khal in tha rak pe cio ding ah a sawm thu Chinland Today hnenah a sim.

Mrs Grand International hi November 7-14, 2022 ah Manalay khawpi ih Swallow Hotel ah tuah ding a si.
Mrs Sarah Boih hi kan dung 2021 ahkhan Mrs Grand International ah tel a tum zo nan, Covid-19 le boruak dangdang ruangah a țhulh sal ih, tui kum ah a tel sal mi a si.

Thapetu pawl in Mrs Grand International page ih zuk an post tikah amah Sarah Boih ih zuk le thuhla lawng kha like le comment pe deuh cio sehla a țha. Midang zuk le thuhla hnuai ih amah Sarah Boih țannak va tuah kha a țhahnem lo a si.

Credit : Sianglianuk