Ngai hmanh u! thawngthabia cu Christmas ah Jesuh nih nangmah kha ton a duh! Nang nih Jesuh ton na duh ve maw?

“Bawipa fial mi Vancungmi cu an hmaika ah a dir, Bawipa sunparnak nih apawngkam hrawng cu a ceu ter, Cu ceunak ruang ah an thin aphantuk hringhran, Sihmanselaw Vancungmi nih cun a thawh hna I, an sin ah, “Nan thin phang hlah u, ngai hmanh, mi vialte caah lunglawmhnak  atlunter lai, Nihin ah hin nan caah David khuachung ah Khamtu kha achuak cang, Khrih Bawipa cu.” Luka 2:9-11,

Vancungmi hna nih bia tak tein tukhaltu hna sin ah, bia arawn mi cu nan zoh ah hin tukhaltu hna sin ah an chim bantuk khan, Christmas can lio ah cun mi tampi hna nih Pathian taktak hmuh fuh lo in, hnipuan thar le ei/din kha Christmas ah anrak hmang tawn hi a pawituk hringhran tawn khi asi, cheu khat nih hlasak nuamhnak lei cu Christmas maw tiah dongh bak lo in lengkhawm lei phun in Christmas an hmang hna, ataktak ah cun ?Nihin ah kan caah khamhtu bawi achuahnak kong hi, mikip lungthin ah athar in nunter than hi biapi bik asi!

Van le vawlei sertu nih asermi minung hna nih lam dang ah a mer tak dih ko cang lio ah, Mary le Josepha hna hmang in, Caw kuang ah Ngakchiate Jesuh an ihter lio cu, mi tampi hna nih zum lo in ahote nih maw an chiah mi ngakchiate asi lai tiin, an zumh hna, Sihmanhselaw Caw kuang ah an ihter mi cu mi vialte caah lunglawmh tuk hringhran mi Khamhtu vawlei mi caah arak chuak mi taktak kha asi ko, Prophet nih arak phuan cia mi kha asi ko!

Christmas Bazar cu thil phunphun le hnipuan thar thatha tiang cawk ding ah kan kal ceu hna khi asi, Lunglawmhnak thawngthabia cu a min bunh in, Jesuh kong taktak ruah lo in vawlei thil mit hmuh hnatheihnak cu kan ruah/zoh deuh tawn khi asi timi hi afiang ngai ngai ko U la nau hna, Zei dah Thawngthabia bik kan timi cu asingha? Pathian nih cun Christmas chung ah hin iton ding in an duh ko! Nang nih Jesuh Christmas chung ah hin ton na duh ve maw?

Pathian nih nan chungkhar nan nidaw bantuk in mi dang zong va dawt ve hna u tihi Pathian duh ning asi, Hi vawlei ah nan kum zat ceu Christmas nan hmannak asi cang, zeitin dah nan hman? Bawipa he itonnak can nan ngeih bal cang maw? asi lo ah a phung men in maw Christmas nan hman? Zeitin dah a phi na pek lai? Hi vawlei hi kan taksa dam chung umnak caah asi, Pathian nih cun vanram ah zungzal a kiang ah um ve ding ah aduh! Atu hi cu hmun ah um ve ding in ready nan si cang maw?

Christmas kong hi hmasa bik cem ah Vancung mi hna nih, tukhaltu hna sin ah thawngthabia arak phanter hmasa kha asi, “Bawipa thlah mi Vancung mi hna cu an hmaika bak ah a dir piak ko khah! Bawipa vel ngeihnak nih cun ceunak he achun bak ko kha asi, anrak tih/thinphang in an um lio ah, Vancung mi hna nih an sin ah “thinphan hlah ngai hmanh u” Mi vialte caah lunglawmhnak thawngthabia cu arak phanter ko cang, Nihin ah hin nan caah David khua chung ah, Khamhtu a chuak cang Bawi khrih cu Luka 2:9-11,

Ngaihmanh Pathian cu Vawlei ah arak chuak cang, Christmas lio ah hin Pathian cu minung ah cang in, kan duh mi duhpi ve ding ah, rian atuan khawh cang lai, Pathian sinak hi tampi nan hmuh khawh lai maw? Jesuh tel lo in Pathian thil sersiam cu nan theih fuh taktak kho lai lo, Jesuh kha vawlei ah ra thlah selaw Pathian dawtnak hi nan theih bal lai lo, Pathian tinhmi theih khawhnak ding ah, itimtuah ve cang ka unau!.

Pathian cu mi zei bantuk dah asi timi theih nan duh ah cun, Jesuh kha zoh law amah cu Pathian nih zangfahnak he khat minung khamh ding ah, rian khinh asi, zei rian dah? Nang le kei sualnak lak ah luat khawhnak ding ah, Pathian nih fapa ngeih chun Jesuh cu sual phurter in vawlei ah minung ah rak cang can Christmas, kan hmannak chan le ni sunglawi bik Jesuh theih pengnak ding kum chiar in kanrak dawn mi asi.

Nanunnak caah Bawipa cu siangpahrang asi tiah, Nihin ni ah nan pawm khawh cang lai maw? Christmas ah Jesuh ngeih maw biapi deuh? Aphen ah thil athup mi mit hmuh le hna khawr theih, hnipuan le thil thar ngeih maw na thim deuh lai? A silo ah meh thawthaw ei/din maw na thim deuh lai? Pathian he nan ipehtlai nak cu zei dah?

2022 tukum thawk in Jesuh cu Nan Bawibik ah pawm cang law, nan lungthin inka kha kaupi in ong ko cang law, Christmas rak dawn ve ngat ka hawi hna, atu hi nan caah can sunglawi Christmas asi, mah can sunglawi hi aman tel lo in rak cawk cang, zungzal Pathian kiang ah hnangam tein idinnak can co ve khawh ding ah, Nihin hi can sunglawibik can asi cang, Christmas hi Pathian he itonnak ni sihram ding ah thlacam ceu hna usih.

“Kaduh tuk mi ka Bawipa, ka lungthin inka narak kik thawng ka theih, nan caah ong ka duh ko e, misual karak sitawn cang timi ka pawm bak ko, cu hmanh ah ngaihthiamnak ngei zangfaktu Pathian nasi nak, nalanghter than ruang ah chimcawk lo lawmnak in ka khat ko, nakan dawttuk hringhran caah Jesuh nakan pek fawn, kan sual man cu Jesuh thisen in tlanh kan si,  atu ah cun ngaihthiam karak si cang.

Atu hnu ah cun nangmah he rian kantuan cang lai, nangmah he sumdawnnak kan tuah cang lai, nangmah he Politic ka khel cang lai, nangmah he zatlang rian katuan cang lai, nangmah he Khrihfa rian katuan cang lai, nangmah he ca kan cawnti cang lai, nangmah he kan tlawngleng cang lai, nangmah he kan lut kan chuak peng ko cang lai tiah, Nihin ni ah Christmas ah nangmah he kan itonnak result cu arak si cang, Bawipa min thangthat in um zungzal ko cang se, Amen.