Tang 9 A Kai Liomi Pate Ralkap Nih An Kahthat!

Myingyan (Myinchan) ah kumtlinglo taangkua kai mi Mg. Htet Aung / Phochit cu SAC ralkap nih an kahthah, a ruak an i kalpi. Ralhrang nih Myinchan,Lei Thit khua ah zing lei nazi 5 ah Meithal an puah an kah thong an theih i, an hlathlai tik ahcun Kum tling lo ngakchiapa te tang 9 a kai lio mi an rak kahthat i a ruak zong an rak kal pi tiah khua mi nih an chim.

May be a close-up of 1 person

Crd- Khit Thit Media.

Relchap: 6 May, Hakha Ah Tlaih A Tongmi Hna Dihlak!

Hakhathar Minung 12 Tlaihmi Chung ah Minung 10 an Thlah Than Hna. Nihin chun Hakhathar ah an tlaihmi hna minung 12 lak ah minung 10 an thlah tthan hna, tiah thawng kan theih.

An thlah tthanmi hna cu:

(1) No He (kum 45)

(2) Kawng Htet (kum 29)

(3) Rev. Sang Awi (kum 62)

(4) Maung Myint Oo (Kum 47)

(5) Julian (kum 63)

(6) Thang Hnin (kum 26)

(7) Cung Bawi Lian (kum 20)

(8) Ngun Kung (kum 42)

(9) Rual Mang (kum 35)

(10) Lai Cung (kum 25) hna hi an si.

An thlah rih lomi hna cu:

(1) Thang Ha (kum 17)

(2) Ceu Thang (kum 22) hna hi an si.

Hakha pastorte nih palik lei he biaruahnak an ngeih hnu ah a cunglei minung 10 hi palik nih an thlah tthan hna hi a si.

Crd- The Chin Journal

Relchap: Pu Ngun Hup te Tangka Ting Tamtak le Thilri Dangdang SAC Ralkap nih an Lakpiak Hna!

Nihin chun ah SAC ralkap nih Hakhathar ah luh hnawhnak an tuah lio ah Pu Ngun Hup te chungkhar tangka ting 10 MMK le thilri dangdang an lakpiak hna, tiah kan theih.

Pu Ngun Hup te inn an bauh i tangka ting 10 MMK, an fapa nupi tthit lio i laksawng thilri bizu khat, Laithil an fimnak thirkuang kuang 2 le 125 Motorcycle pakhat an lakpiak hna.

Cun, inn dang an bauhmi zong a um rih i, thilri pawl an i kalpi, tiah khuami pakhat nih a chim. Nihin chun Hakhathar an luh hnawh lio ah Hniarlawnthar Gospel Khrihfabu pastor saya Sang Awi telh in pa pasarih an tlaih hna, tiah thawng kan theih.

Crd- The Chin Journal

Relchap: Kan Chin Ralzaam Ngakchia 11 Nu le Pa Loin Ummi Hna Pastor Te Chung Nih An Zohkhen Hna.

Tuipui D ah hin ralzaam minung 47 an um i, mah chungah minung 11 cu Nu le Pa a ngei ti lo mi hngakchia an si. Hi hna hi Pastor pension cia mi chungkhar hna nih an zohkhenh mi hna an si. A zohkhenh tu pa nih hin hngakchia hna he Tuipui D ah hin a rak zaam pi hna i, Inn pakhat a rawk cia mi cu an remh i a um pi hna.

Tuipui D ah hin ralzaam minung 47 an um i, mah chungah minung 11 cu Nu le Pa a ngei ti lo mi hngakchia an si.

Mah Inn ah hin a zohkhenhtu chungkhar pakhat he an dihlak minung 27 an um hna. Mah an dirhmun hi Hnahthial YMA te nih an theih i hruaitu Executvie member hna nih tangka an i thawh hna i bawmhnak tangka INR.10000, Facang, chite le ei din dangdang an pek hna tiah theih a si.

A tu lio ah Electric veng, Hnahthial YMA Area chungah ralzaam minung 41 an um, mah hna he hin YMA hnahthial Area ralzaam dihlak minung 211 an um tiah theih a si. A report ngam lo mi zong tam an um rih lai tiah Pu K. Lalsangzuala, Secretary sub-headquarters, Hnahthial nih a chim.

Crd- The Chin Post.

Relchap: Taluk Gas Pipeline Vengtu Ralhrang An Thah Hna!

Mandalay, Kyaukse university pawng Tawma khua ah Taluk Gas pipeline a veng lio mi ralhrangbu cu May ni 5 zing suimilam 5 hrawng ah a ho ti theih lo mi cheukhat nih nam he an va tuk hna i ralhrangbu pa 3 an thi colh tiah thei a si.

A tangmi ralhrangbu hna cu meithal an puah i an tli, mah thil a can hnuah Tawma khua chung ah ralhrangbu motor cu tawr le cheng an rak lut, kaakip an kawl tiah khuami sin in theih a si.

Tawma khua i Dalan pawl zong ralhrang pawl nih “Hi thil an ti khawh mi hi zeiruangah nan theih lo tiah an hro, fung he an tuk hna” tiah mit in a hmuh mi nih an chim.

Cu lawng si lo, Tawma khua (ပညာနန္းေတာ္) Tution Saya U Myo Min Taw inn cu an va kal hnawh, a inn zong an hrawh piak, thilri zong an fir piak tiah theih a si. “Saya belte cu a luat. Kan hmuh a si ahcun kan kah/thah colh lai tiah an hro chih” tiah khuami nih an chim.

Tu zinglei suimilam 11 tiang khuachungah meithal an puah rih. Kyaukse University compound i Non CDM Saya/sayamah pawl he riantuan pawl zong meithal puah thawng ruangah an ttih ngai tiah theih a si.

Gas pipeline he ralhrang nunnak a cawm lio mi Saya/Sayamah le cozah riantuan pawl an nunnak cu tuanvo kan la lo tiah nai hrawngah khan Kyaukse District Defence Force (KDDF) nih an pek tiah theih a si.

Crd-  The Chin Post.