US Nungak muidawh le Hlasak thiam Rebcca Fanai nih cun “The Compassion Project” hramthawhnak kalpi asi cang,

Nihin 19.10.2022 @2:00PM ah khan Aizawl khuapi laifang hrawng ah um, Ritz Hotel, Conference Hall-ah, USA in ara mi hlasak thiam Nungak mui dawh, Rebecca Fanai nih Mizoram ah Myanmar Zohnathlak kan unau ralzam mi hna bawmnak ding, “The Compassion Project” konglam ah Network for Myanmar IDPs tiah theih, Myanmar ralzam hna bawmtu pawl, dang dang hna he hmalak ning kong ah, iton tinak ngei in ceih asi tiah report ah langhter asi.

Net Work for Myanmar IDPs hi Hlasak thiam Rebecca Fanai hmalaknak “The compassion Project ” kong ah an itontinak hi vawihnih nak asi cang, Ni 25 October in Mizoram chung ah ralzam pawl umnak  hmun le District kip ah, Refugee Camp hna cu visit/tlawng chuak in” Humanitarian Aid” pek tim a si, an herh/mamawh deuh deuh mi ei le din ding, Hnipuan hna pin ah, ngandamnak lei cawnpiak nak Awareness pek a si lai, health clinics ngeih a si fawn lai tiah theih asi.

Cun, Mizoram chung ah ralzam hna nih zulh phung dan/dun ti bantuk hna zong, Awareness pek nak can le ngakchia tete hna cu, nuamnak phun program hna tuah pia kasi fawn lai, Rebecca Fanai hi a nu le pa hna he USA in Mizoram ah anrak tlawng hna khi asi, a pa cu 7th day Adventist biaknak lei Pastor Lalropuia le Pi Lalchangliani hna an si.

October 31, 2022 zan (7:00 PM) ah Aizawl, Vanapa Hall ah MRRCM Myanmar Refugee Relief Committee hruainak tang ah, Charity Live Concert tuah asi lai, Rebecca Fanai le hlasak thiam dang hna he hla dawh taktak sak in, mipi caah thlungthlai ngai ngai in ngeih tim asi, Concert ngeihnak in tangka hmuh mi tete hi, ralzam hmun dang dang ah um mi hna sin ah, pek an si lai tiah report ah langhter asi fawn.

Dr.Vungtea tial mi cabu Christian hna le Politics timi cabu hi, zuar ding tlawmpalte a umrih, aduh mi nih cawk khawh asi fawn, mah cabu man zong ralzam hna bawmnak ding ah hman asi lai tiah, thanhnak anrak tuah fawn khi asi, aduh mi poh nih cawk khawh asi lai.