12 May Ah Mindat Ah Ralhrang le CDF Kahdohnak A Chuak!

Chin ramkulh,Mindat ah mipi vengtu ralkap le ralhrang rallokap i kahnak a chuak tiah khua mi sinin kan theih. Tuzan suimilam 7:20PM in suimilam 8 :00 PM leng tiang Mindat Myanmar Economic bank hmai le palek umhmun pawngah i kahnak a chuak.

Tuzaan Mindat Ah I Kahnak A Chuak

“A tu cu a dai cang,bawmtu ding ralhrang mawtaw panga in an ra ti’n kan theih,boruak kan hngak lio” tiah CDF-Mindat tuanvo ngeitu pakhat nih a chim. Tu zaan zongah Mindat ramri hmun pakhat a si mi Thinchawng khua lamton ah ralhrang nih hriamngan pawl an kahnak a um, tu zaan i kahnak ahcun hliamtuar mi hna fianghlang in theih a si lo tiah a chim chap.

Tutan an i kah thannak cu rallokap nih an tlaihmi 5 hna kha a hnu bik May 12, chunlai 12:00 pm ah nan thlah hna lai Mindat khua mipi uktu (Pyituh Ohchohzi) nih an hal hna!

Rallokap nih cun 5 chungah 4 kan thlah hna lai i Matupi in a rak rami rallokap mawtaw 15 hna cu khua chung pal khawhnak nan pek hna lai tiah an leh hna! Cucu Mindat khua mipi uktu le CDF nih an cohlan khawh lo caah an biaruahnak a rawk i atu bantukin an i kah thannak a si!

Crd- The Chin Post.