A donghnak ah cun thil fiang arak lang ko cang hih! India Bawmtu hna nih NUG sin ah an kuat mi tangka Rs-90 ting atlau mi cu Pu……nih an tlikpi ko tiah theih asi,

A donghnak ah cun thil fiang arak lang ko cang hih! Pu Manglian nih ting 90 an account ah um mi cu an tlik/tlaupi ko cang,

A bawmtu hna nih NUG sin ah a pek mi India tangka in Rs-Ting 90 cu atlau tiah MP pakhat U Aung Thang nih Aizawl Press Club ah arak chim mi asi, an theih mi hawi pakhat India mi U Vanlalliana min in Bank account tuah asi, mah bank account chung ah tangka Rs-ting 90 um mi cu, account ngeitu hi atu ah atlau bak ko cang, contact tuah khawh asi ti lo, khawika dah akal a um theih khawh asi lo tiah U& Aung Thang nih atu bantuk in achim mi asi, mah tangka atlau mi hi abawmtu hna nih NUG sin ah a pek mi asi, mah tangka hi Ralzam mi hna caah kuat mi asi tiah theih asi.

Kan hnu lei ah Pu Manglian nih tangka hmannak kong tiah fianternak arak tuah mi kha theihthiam ahar ngai mi thil asi pin ah atu ah hin cun amah hi, tangka ting 90 an tlik pi cang tiah, contact tuah zong angah ti lo khi asi, apoi taktak ko hih! Media tiang midik lo cu alang ko cang hi ta.

Mah kong hi kan hnu lei ah karak langhter cang mi atang lei bantuk hi asi:-

Chin miphun hna chung ah iralrin awk ngai ngai kan herh cang Social media ah mah le mah sual iphorter leng mang hi Kawl pawl thazang peknak asi,

Letter to Editor tiah cathanh tuahnak le Lih le Eihmuar ipuhnak kong ah Pu Manglian nih fianternak avan tuah mi ah thil lang mi cu, June 2 2022 ah Online media asi mi Chin World le Zalen le adang hna ah, Mindat khuapi chung CDF caah tiah, Mizoram, Aizawl khuapi ah um mi Pu Mang Lian nih tangka dik lo ngai in ahman tiah puhnak kong ah, Pu mang Lian nih atu bantuk in Online media thiamthiam ah fianternak arak ngeih mi ah hin, An mah Mindat mipi theih ding le Chin mipi theih ding ah tuah siselaw atha ngai ko hnga?? Aruang cu Chin miphun kan zia vialte hna cu Kawl holh in ca kan tial-I, Online media ah kan van langhter tik ah hin Myanmar pumpi mipi nih anrak rel ve dih tik ah khat lei Min Aung Hlaing Military pawl thazang petu le Experience ngeihtertu ah acing tawn mi hi thil poi ngai mi asi.

Ram dang kan u le nau hna nih revolation tuahnak ca le CDF thazang peknak caah tiah bia tak tein an bawm mi tangka hna hi asi ning te in a herhnak lei ah lungrual tein hman khawh tawn siselaw zei tluk in dah tha zang kan ngah hnga?? Sihmanhselaw Chin mi kan zia alang tawn mi hi miphun dang theih ah thil apoi ngai mi asi, Midang thil tuah dik lo ah kan ruah mi mualphoter kan duh nak ah kan mah zong kan mual pho ve tiah tuaktan nak ngei bak lo in, Kawl holh hmang in Online ah duh tawk in kan au len mi cu, mipi tling asi lonak langhtertu pakhat asi timi hi kanrak theih cikcek aher ko cang, mi dik le mi tha lo cu khawika kip ah an um ko lai, amah belte cu kan mah Chin holh bak in kan lung tling lo nak tete a um zong ah tial hi atha bik ko lai tiah ruahnak ah a um mi asi. Pu Mang Lian nih fianternak atuah mi ah hin kei mah le bang cu ka fiang lo chinchin khi asi ngai,

Tangka lut mi vialte (Total Input) Rs-22,960,598# ၂၂,၉၆၀,၅၉၈ (INR),

Hman mi ah (India Rupee- INR) adang hman nak Rs-11,890,000# ၁၁,၈၉၀,၀၀၀,

U Tan Aung nih tangka alak mi tiah Rs-1,900,000# ၁,၉၀၀,၀၀၀,

U Tan Aung nih personal motor 2 cawknak ah pek/puk Rs-1,380,000# ၁,၃၈၀,၀၀၀,

U Tan Aung, U Nay Linn, U Ngai Tan Maung nih tangka lak mi tiah Rs-2,250,000#၂,၂၅၀,၀၀၀,

Acung lei minung 3 hna nih thil caah Advance pekter mi Rs-5,000,000# ၅,၀၀၀,၀၀၀ ,

Thil caah tiah an mah nih Advance arak pek chung mi tiah Rs-1,200,000# ၁,၂၀၀,၀၀၀,

Total an hman mi tangka c(Total Expenditure) tiah Rs-23,620,000# ၂၃,၆၂၀,၀၀၀,

Atang mi hi minus alangter mi Rs, -659,402#  -၆၅၉,၄၀၂,

An mah nih Advance anrak pek mi tangka tiah Ting 12# ၁၂ သိန်း (INR) ၁၂၀၀,၀၀၀,

Advance adaih/za lo ruang ah hawi 2 hna nih pek mi tiah Rs-659,402# ၆၅၉,၄၀၂,

Adih lak atang mi tangka tiah (Total Balance) Rs-1,859,402# ၁,၈၅၉,၄၀၂,

Acung lei kan tarlan mi thil caah advance pek mi Rs-12,000,000# ၁၂၀၀၀၀၀၀ hi U Tan Aung, U Nay Linn, U Ngai Tan Maung 3 hna lungkim in pek mi asi tiah an langhter. ,

Advance Rs- 12,000,000# ၁၂၀၀၀၀၀၀ an pek ruang ah Rs,-65,402 hi minus tiah# -၆၅၄၀၂ an langhter fawn.,

Mah hna vialte hi Pu Mang Lian nih fianternak tiah Social media ah Kawl holh bak in avan langhter mi asi, an langhter ning ah hin zeihmanh theihthiamnak thil fiang alang kho lo khi asi, accountant tuak ning zong asi lo, zeitin dah nan ruah ceu?? Mah pin cu ca reltu hna commentnak si ko? U Tan Aung hi Delhi ah aphan tiah theih asi, ph-contact tuah zong ah angah lo ti asi fawn, amah Pu Mang Lian cu Mizoram Aizawl ah a um kong chim in thil fiang theih duh mi nih chawnh khawh tiah ph-N0 zong achiah chih, Mob-+91 6009749097 ah chawnh khawh tiah,Amin pathum lang mi hna kong he peh tlai in thil tampi fainter ding zong a um rih tiah avan langhter chih khi asi,

Source : Pu Mangliana Aizawl (02/06/2022)