A tu lio Chin ram population chung in 20% leng hna hi IDP dirhmun asi lio, Emergency in bawm aher cang tiah,
Chin ram population chung in 20% leng hna hi IDP dirhmun asi lio, Emergency in bawm aher cang tiah,
Ram khel revolution ah hin hmailei pan cuahmah asi lio ah, sahimnak ding ah khuachung chuah tak lio minung hi 100,000 hrawng asi cang, mah hi State population chung in 20% hrawng hi ralzam dirhmun ah dir in, mah hna hi Emergency ah bawm herh mi hna an si tiah Peter Sang Lian Thang nih atu bantuk in arak chim mi asi, Norway ram, Oslo khuapi ah nizan 24 June ah tuah mi Stuck in Limbo ( dirhmun tha lo ah phan mi hna) tiah min pek mi Chin State chung in ralzam hna dirhmun report cu, Media tampi hna le mah kong ah hma lak mi hna vialte hna an tial mi cu, mah meeting tuahnak ah cun chim fiannak atu bantuk in Peter Sang Lian Thang nih achim.
English/mirang ca in tial mi pages 60 chah report cu, Ralzam hna dirhmun le an umtu ning photo hna le record tete hna fiang tein langhter dih asi, Chin state khuapi 9 chung ah Myanmar Military council ralhrang hna nih In le lo hna mei dawh in, abik tak in Thantlang khuapi hi vawi tampi mei dawh asi ruang ah, ralzam zong thawnghra leng 10,000 leng an um tiah hmuh asi, ralzam hna hi tampi hna hi ram lak/tang ah a rem ning in khuasa mi hna an si pin ah, minung 50,000 hrawng hi India, Mizoram chung ah an um hna tiah report ah langhter asi.
Mah ralzam hna caah hin Mizoram State acoyah nih le Central acoyah nih zei maw tiin bawm khawhnak ding ah, Norway acoyah le UN Agency hna nih report peknak record ah nawlnak an tuah pin ah bawmnak lam tete kawl piak ding ah nawlnak tuah mi ah telchih asi fawn tiah hmuh asi.
Can liam cang June 20 ah International Refugee day ah UN nih cathanh atuah mi ning ah, Myanmar ram ah IDP minung 1billion an um cang tiah langhter asi, mah report peknak vialte hna an dih hnu ah Discussion in kalpi asi, NUG acoyah Norway aiawh U Maung Maung Myint le Oslo University Prof Kristian Stokke hna hruainak tang ah ngeih asi, Norway acoyah nih Myanmar Democracy cu atu nak in thazang pek aherh tuk cang, 1988-90 kum Norway acoyah dirhmun le atu dirhmun a thlaunak hna chim asi, Norway le vawlei ram kip acoyah nih Myanmar kong ah atu nak in fak nawn in ruah hi biapi ngai ko cang pin ah, Myanmar mipi ram dang ah phan mi hna zong nih atu nak in zuam chinchin ding ah tiah mah Discussion ah chim le rel asi timi cu hmuh khawh asi.
Source from Burma News Network