AA nih anrak thuat tuk ve hna cang hih! Ralhrang lei 30 thi in anung in 13 le hriamnam zei maw zat an tlaih chih,
Akran state, Maungdaw thlang lei ah ramri/border security hna an duty nak le an umnak camp pakhat Leiya cu, Arakan Army (AA) hna nih October 10, zingka bak ah thuat/doh in, an camp zong lak piak dih asi, Arakan lei news site ah an tarlan ning in, AA lei nih Military council ralhrang pawl, deputy commandant tel in ralkap minung 30 hrawng idoh kah nak ah thi cawlh in, minung 14 hna cu tlaih an si tiah news report ah langhter asi.
AA lei ah minung 3 tluk thi ve in zei maw zat nih hliamhma angei ve tiah theih asi, AA lei hi hospital ah athi mi an um maw timi hi confirm khawh asi rih lo, mah an idoh nak hmun hi Bangladesh ramri/border security ah duty Military ralhrang hna hi, an cawlcang ning ah mipi sualnak ngei lo mi hna le riantuan nak ah um mi hna cu kal hnawh hna in, an duh mi thil hna an lak piak pin ah, nu hna an hmuh ah hin tlaihhrem hmang an si tiah, civil mi pakhat nih AA hna sin ah report pek in, AA nih atu bantuk in zingka te ah an ready hlan ah, kulh dih in an thuat mi asi tiah report ah langhter asi.
Maungdaw township, Nanta tlang le Ngakhuya khua karlak ah um mi, Military council ralhrang camp Leiyah cu, Maungdaw thlanglei, Tinbawhla, Tayakone, le Taungpyo khua hna he naite an si, mah ah cun ralhrang lei ah alut mi Border Guard Force hna an um kong zong hi khuachung um mi hna nih an chim fawn, an umnak hmunhma le an thut dir ning hlatthlai dih hnu ah atu bantuk in, AA nih luh hnawh in an doh pin ah camp tiang lak piak dih khi asi.
Banmauk Myoma police station-ah um mi police 11 hna an kah thi dih hna,
Sagaing region, Banmuak township-ah Banmauk Myoma police station cu KIA le PDF hna nih, thuat/doh nak ah military council tang ah tuan mi, police 11 hna cu an thi dih tiah khuachung PDF, Banmauk Revolution BR sin in thang theih asi, October 4-ah KIA le PDF nih police station cu kulh dih in an ikap hna khi asi, police thi mi an tam caah military council ralhrang hna nih, jet fighter hmang in arak kah ve fawn, khua chung um mi tampi himnak kawl in an zam hna tiah report asi.
Jet fighter in an kah hna ruang ah umnak In zei maw zat akang tiah theih asi, KIA le PDF pawl nih an kah mi police 11 hna ruak cu, chu police station lenglei ah chuahpi khawh lo in, station compound chung ah phum a si tiah, Banmauk Revolution –BR pawl nih an chim, mah an idoh nak thawng pang hi, Military council hna nih cun phuan duh lo in an thup tiah an ti, police thi mi ruak zong athlithup in an phum hnu ah, program cu Myomah tlangbawi pakhat auh in phumnak can an hman ter tiah chim asi.