Atu lio alar bak mi Zambian Pastor pakhat nih Jesuh bantuk in thlan ah phum in nithum hnu ah katho than lai ati, Nung bu in thlan ah an phum hnu ni 3 nak ah cun arak thi diam amak ko,

Zambian pastor pakhat James Sakara nih Jesuh bantuk in thlan in ni 3 hnu ah, thawhthan an timhnak ah nungbu in vawlei chung ah a phum/vui ter khi asi, Nithum hnu ah cun vawlei cu an cawh than tik ah arak thi diam cang khi asi, cu ti cun thi in anrak um cang caah thlan thar cawh her lo in amah phumnak ah cun phum than asi tiah media ah alar ngai ngai arak si.


Kum 22 asi rih mi James Sakara hi Zion church ah pastor riantuan lio asi, Jesuh bantuk in thlan ah phum hnu ah nithum ni ah ka thothan lai tiah an izumh mi asi, mah caah cu nungbu in vawlei chung ah cun aphumter khi asi, mah pastor nih hin an zohkhenh mi “Bu” members chung in amah bawmtu ding ah, minung pathum hna nih cun Sakara hi thlan ah cawlcang kho lo in hri he hren dih asi hnu ah vawlei an vur hnu ah an kal tak hna asi.


Jesuh bantuk in nithum hnu ah thlan in thawhthan atim mi Pastor Sakara nih hin, Zambia eastern province Chazida khua ah nungbu phum asi hnu ah, a phum tu hna nih nithum hnu ah thlan cu an cawh than tik ah cu Pastor Sakara cu thi diam cang in arak um tiah an ti, Mah thil cang ruang ah hin a phumtu minung pathum hna chung ah pakhat cu palik kut ah amah le mah a pek ko tiah thei asi, mah pastor Sakara nih hin nupi ngei mi le fa apuai lio cu acan lo ah akaltak diam khi asi, anupi hi zang fak ngai asi tiah ahmutu hna nih an ti.
Ref : Dailymail