Bangladesh lei in kan unau ralzam hna cu BSF-nih Mizoram ah luhter lo kong ah, CYMA nih cathanhnak atuah bak cang,

K. Vanlalvena Rajya Sabha member K. Vanlalvena nih cun, Bangladesh lei in Zofa ralzam hna cu BSF-nih Mizoram ah luhter lo kong ah, central acoyah sin ah nawlnak atuah, K. Vanlalvena nih hin Union Home Minister Amit Shah le Union Home Secretary Ajay Kumar Bhalla sin ah, cakuat atuah mi ah naite ah khan Kuki-Chin miphun ralkap le Bangladesh ralkap idoh kahnak ruang ah, Chittagong Hill Tracts ah um mi tampi nih an khua an chuah tak hna tiah theih asi.

Cheu khat cu Mizoram chung ah ralzam in Mizoram acoyah le NGO’s hna nih ralzam hna cu tha tein zohkhen asi, mah ralzam hna chung ah hin kum Upa le ngakchia tete hna zong tampi an itel tiah report asi, BSF nih mah ralzam hna cu luhter asi lonak kong ah, K. Vanlalvena nih an himnak ding ah  kan tuah piak hi kan rian asi, tiin BSF-hna sin zong ah ralzam hna cu, Mizoram ah luhter ding ah nawlnak atuah fawn, atu ah hin zei maw zat anrak lut khawh tiah theih asi.

Ralzam rak lut mi hna cu BSF- nih eidin hna an peknak video cu, atang lei bantuk khi asi,

Video zohnak-

Rak lut ngam lo ram tang ah zei maw zat an um fawn, ralzam hna kong ah Ministry of Home Affairs-nih luhter lo ding ah nawl pek ruang ah asi tiah theih asi, Kum 1970 hrawng ah Kaptai Dam tuah ruang ah, Chakma tampi Mizoram le Arunachal Pradesh ah ralzam hna an luhter khawh kha asi, Mizo hnahthlak ralzam rak lut ding an khamh ruang ah, miphun thlei dan nak asi tiah MP nih cun a chim.

Tu kum hi Mizoram chung ah hin Myanmar lei in siseh, Bangladesh lei in siseh, ralzam tampi an lut hna cang, mah lio ah kan unau Mizoram nih an si khawh chung in hnipuan, eidin le thil dang dang tampi anrak bawm cang kha asi, atu zong ah Bangladesh lei in harsatnak ngei una tampi ram tang ah a um rih tiah theih asi, Bawipa nih kan unau lungthin ah dawtnak le vel ngeihnak he akan dawn khan hi a ropi taktak khi asi.