Bruce Lee thih cam phaphak vawi 49 nak ah an tuanbia hi history tawi te asi ko hmanh ah rel nuam ngai mi tuanbia asi,

Bruce Lee thih cam phaphak vawi 49 nak,

July 20, 2022 hi Bruce Lee thih cam phaphak vawi 49 nak asi cang lai, vawlei um chung cu martial arts hi a min a um peng ko cang lai khi asi, an thawng pang tawi tein in aw,  Cantonese opera star ah  apa Lee Hoi chuen le a nupi Grace HO hna nih cun, November 27, 1940 khan an fapa chuah hmasa bik min caah, LEE-JUN FAN an sak piak, a hnu ah a chuah/hrin lio ah azohkhentu doctor min hi Bruce timi cu lak in “Bruce Lee” tiah amin hi arak lar ngainak zong asi.

Chinatown, San Francisco ah Lee-Jun Fan hi chuak asi ko nain, thla thum asi lio ah an ram Hong Kong lei ah an kirpi than khi asi, A nu lei le a pa lei in siseh chungkhar pitling an si tiah theih asi, Hong Kong hmun Kwaloon ah an um hna, school țha ngai in cawnnak hram anrak thawh mi asi, A pa nih hin ngakchia te asi lio in film ah alangpi cang khi asi, ngakchia lio in ngakchia film ah canter asi cang fawn, Kum 18 asi ah cun Lee hi University of Washington, Saetle ah cacawn ding in akal, martial arts hi Hong Kong lei ah a cawncang mi asi pin ah, tampi acawn chih fawn mi khi asi, Hong Kong le Hollywood in martial arts film a can ah cun, vawlei pumpi ah amin arak thang ngai mi kha asi, mah can lio ah khan film lei ah mi nih zoh nuam ngai asi ti tiang in thil adangter ngai ngai khi asi.

A film can chung ah alar deuh deuh nak le mi nih zoh nuam an ti mi hna cu:- The Big Boss (1970), Fist of Fury (1972), Way of Dragon (1972), Enter the Dragon (1973), The Game of Death (released 1978) hna hi an si tiah theih asi, mah pin ah hin film tampi an can rih ko, Vawlei pumpi ah a bik in Chinese pawl chung ah mi nih anrak uar ngai ngai hna khi asi,

A hmasa lei cantha an ngeih lio le a lar deuh deuh cang khi asi lio ah hin, July 20 1973 ah khan kum 32 long asirih lio ah arak thi tawp kha asi, martial arts vawlei ahnginhter bak mi arak si, A thih nak kong ah hin mak le thil zei maw asi lai tiin, mi tampi lung abuaiter ngai ngai ko, mahruang ah cun ruak zong checkter dih asi, a thluak an zohnak ah (autopsy result) in doctor hmuh chuah mi cu a thluak a phing/vung ngai ngai mi asi anti, Martial arts faktuk in an cwalcang ruang ah atubantuk in thluak ah thil cang mi asi ruang ah thih tawpnak chance an ngei tiah theih asi.

A thih hnu ah hin kut long in lente celhnak (combat sports) judo, karate, mixed martial arts, boxing hna ah anrak uar hna pin ah, an ti ning tiah anrak cawn ngai ngai hna khi asi, a tlamtlinnak hnuhma hna tampi an kaltak khi asi, TIME magazine nih Bruce Lee hi “100 most important people of the 20th Century” chung ah arak phuang bak mi asi, Tlangval note arak chuah in Bruce Lee nih hin akal chuahnak hna ah in “Street fight” midang he ithuat/sual ti bantuk in khin arak um tawn ruang ah, a nu le apa hna nih hin martial arts cawn ding in an chim piak asi, mah lio can ah hin Hong Kong ah hin tlangval sual le hrawkhrwal pipi hna cu, group tete in an um thluah mah khi asi, khuachung ah hin mi sual le hrem ti bantuk hna hi arak tam ngai ngai lio kha asi.

Lee-Jun Fan (Bruce Lee) nih hin martial arts hi, “Wu style” tin hram arak thawh mi asi, martial arts ah a min “Wing Chun’ cu trainer Yip Man sin in 1956-57 chung ah khan a cawn mi asi, Yip Man nih hin a sin in martial arts cawn mi hna cu, khuachung chuah vahnak ah mi he isual ve lo ding in le mah nak in cun competition ah tel deuh ding in achim piak hna khi asi, Bruce Lee hi a nu lei in European lei thlah a sir uang ah, Yip Man sin ah martial arts cawn ve dang hna nih cun, Chinese thlah asi ve lo caah martial arts thiamnak biathli cawnpiak an duh lo ruang ah asi, America ram ah a um hnu zong ah mirang le minak miphun dang sin ah, martial arts thiamnak a cawnpi cu US-Chinese pawl nih hin faktuk in anrak dodal hna khi asi fawn.

Bruce Lee nih martial arts “Wing Chun” cu part time in Yip Man, Wong Shun Leung le Wan Kam Leung hna sin in an cawn peng thiamthiam khi asi, Midang hna nih sport lei ah an theih hmasa bik cu, Boxing asi, Francis Xavier College boxing team ah tel in a hmasa kum ah an weight ah champion lio cu final ah a knock out bak khi asi, Lee nih hin street fight hi a thlah khawh taktak lo khi asi, Hong Kong khuapi ah mi hna nih an tihzah/upat michungkhar ropi ngai fapa cu, hmunkip kengkip ah chim arak si ngai ngai, mah hnu ah hin a nu le pa nih cun Hong Kong khuapi ah an fapa cu, zei maw tiin athi sual lai tiah phang in, an himnak ding ah tiah US lei ah an hawitha hna sin ah cacawn than ding in a farnu (a u) Agnes Lee he 1959 kum ah khan an kalter kha asi.

A farnu he hin San Francisco ah cun cacawn than ding in an um hna, amanh can ah restaurant ah riantuan in a hlawh vet awn, a hnu deuh ah a u Peter Lee nih arak umpi ve fawn, University of Washington ah hin an cawn ko hmanh ah, acawnnak cu tlamtlin pi tuk lo khi asi rua, US ram ah a um thawk in midang sin ah martial arts cawnpiaknak hram thawh in, Jun-Fan Gung Fu (Bruce Lee Kung Fu tiin) min an sak, mah hmun ah an cawnpiak mi hna hi Wing Chung hramthawh nak hmun asi, Thanchonak ding ah tiah martial arts thiam tak tak ding ah tampi thiamnak angeih chih fawn, mah hna sin in thiamnak tampi angeihchih pin ah, Mah hnu ah cun martial arts cawnnak taktak he thanchonak lei lam zawh than in, Seattle khuapi ah Lee Jun Fan Gung Fu Institute tiah dir arak si.

University of Washington ah khan Linda Emery he an inton hnu ah, Nupa si ding in an ithit cawlh kha asi, fa 2 ngei in Brandon Lee (1965-1993), Shannon Lee (b 1969) an ngei hna, A nupi Linda nih hin Bruce Lee thih hnu zong ah hin Bruce Lee- martial arts “Jeet Kune Do” cu arak lar pi peng khi asi, Bruce Lee thih hnu kum hnihnak ah khan cabu pakhat “BRUCE LEE : THE MAN I KNEW” tiah arak tial mi asi, Extracted from :Emery Linda – Bruce Lee: The Man I knew hi atu tiang ah vawleipi nih philh bak lo in anrak chim tawn mi tuanbia arak si.