Chawva kan hmuh mi le kan hmuh ning vialte hna hi Bible ah Pathian bia nih achim mi adik le dik lo theih khawhnak cu?
Chawva kan hmuh mi le kan hmuh ning vialte hna hi Bible ah Pathian bia nih achim mi adik le dik lo cu,
1.Dinlonak in chawva a ngei luaimai mi cu, Amah ti asi lo mi ti a bu chung ah atlum mi vaking bantuk a si, achan tim hlan ah a chawva cu a kaltak ko hna lai-I, adonghnak ah cun mihrut a si kha amah nih alanghter ko lai. (Jeremiah 17:11; Phungthluk bia 20:21, 20:17).
2.Cu caah zohhmanh u a ding lo in nan lak mi miaknak le nan khua chung I thisen chuahnak kha thinhun in ka kuttum in ka thongh lai. (Ezekiel 22:13).
3.A haka kau mi nih a in chungkhar cung ah harnak atlun ter. (Phungthluk bia 15:27; 10:2).
4.Anania hna nupa nih ram/dum an zuarnak man a cheu thuhpheh asi ruang ah an thi. (Lamkaltu – 5:10).
5.Lak lo ding a lak ruang ah Akan le a chung hna vialte Pathian duh ning in an hrawh dih hna asi. (Joshua 7:12).
6.Mi thil a chut mi le hak kau mi cu Pathian pennak/ram cu an co lai lo. ( I Kor 6:10).
7.Cu caah Bawipa Pathian nih cun amiak lak le eihmuar, misin ah tangka lak ahuat ngai mi asi. (2 Chronicle 19:7).
8.Khrihfa Upa hna le riantuantu hna hak kau nak le amiak thianghlim lo in an lak ding asi lo. (I Timothe 3:8; Tita 1:7; Peter 5:2).
9.Nang chawva le tangka ngah ngai ngai mi, adonghnak na phan cang nan can adih/liam cang. (Jeremiah 51:13).
10.Mi hrut, tuzan ah na nunnak an lakpiak cang lai, na thilk hon mi thilri vialte kha aho nih dah aco kun lai? ( Luka 12:20).
11.Nangnih a rum mi hna na lam apit ko cang, vawlei ah nan ni nuam dih ko cang asi.(Luka 12:20).
12.Chawva ngah/mirum mi hna caah Pathian ram/pennak chung luh ava har lai dah! -(Marka 10:23).
13.Rumnak abohchan mi hna cu thing hnah bang in an til lai, mi ding mi cu thinghnah hring bang in acawr no te lai. (Phungthluk bia 11:28).
14.rumtuk nak in minthat hi duh deuh ding asi. (Phungthluk bia 22:1).
15.Dik lo ngai in tampi ngeihnak in dikte in tlawmte ngeih atha. (Phungthluk bia 16:8, 15:27).
16.Fimnak ngeih hi Suinak in atha asunglawi deuh, hngalhthiamnak ngeih hi Ngun nak in thim deuh ding asi. (Phnugthluk bia 16:16).
17.Ralring u ‘duhnak lak ah iven peng ko u, Minung nunnak hi rumnak ah ahngat bal lo.(Luka 12:15).
18.Tangka duhtuk mi nih cun zeitik hmanh ah ka za cang an tib al lo, mirum si duhnak nih aza timi an ngei lo, An ngah tuk ruang ah mi rum cu thinphang in an it kho lo. (Phungchimtu 5:10).
19.Sikkhate ah arum mi cu atuar hrimhrim lai. (Phungthluk bia 28:20).
20.Tangka duhtuk mi hi sualnak kip hramthawhnak asi, Lungretheinak chim cawk lo hi mah fahsaktu arak si. (I Timothe 6:10).
21.Mi an rumnak le an chungkhar chawva an thang cho lio cu, uar ding asi lo athih tik ah zeihmanh an phor lai lo. (Sam 49:16).
22.Tangka duhtuk mi Farisai hna nan caah ngaihchiatnak asi. (Mathai 23:25; Luka 11:39).23.Tangka duh hak kau hi milem biaknak a si, Khrih le Pathian ram ah zeihmanh covo an ngei lai lo. (Ephesi 5:5; Kolosa 3:5).
24.Ding lo in tangka le thil lak hlah. (Exodus 23:8; Deuteronomy 16:19).
25.Amosa’nih ding lo in thil an lak ruang ah Israel hna an soisel. (Amosa 5:12).
26.Dinglo in alak mi hmang in Insak hna zong akhangh dih lai. (Joba 15:34).
27.Dinglo in lak mi nih cun chiatseh tiah an thanh lai. ( Deuteronomy 27:25).
28.Ding lo in an dih lai, an cantha an ngeih lio ah an thi te lai. (Isaia 5:23).
29.Misual nih dinglo in an lak tawn. (Phungthluk bia 17:23; 28:2).
30.Dinglo in lak mi nih an hrawh/chiatter. (Phungchimtu 7:7).
31.Dinglo in lak duh lo hi nun nuamnak asi. (Phungthluk bia 15:27).
32.Sivaithiam Simon nih Thiangthlarua thil tikhawhnak ngei ding ah, Peter cu tangka pek atim. (Lamkaltu 9:19).
33.Philistia mi hna nih Samson tlaih ding in Delili Rs 1100/- ceu ding lo in an pek. (Biaceihtu 16:5).
34.Nehemiah buaiter ding in Tobia le Sanbalata nih Semaia tangka an pek.(Nehemiah 6:17).
35.Samuela fa hna nih dinglo in tangka an lak, ding lo in khawkhanlairel antuah. (Samuel 8:3).
36.Jesuh tlaihter ding ah ding lo ngai in tlang Bwai hna nih Juda tangka 30/- an pek. (Mathai 26:16).
37.Tlangbawi hna nih Lih chimter ding ah ralkap hna tangka an pek.( Mathai 26:12).
38.Fir a hmang mi cu fir ti hlahse. (Ephesi 4:28).
39.Rawltam ruang ah thil fir mi cu mi nih an hmusit lem lo, asi nain an tlaih ah cun aleh sarih in a liam lai, A in chung ah thil angeih mi vialte cu a pek lai. (Phungthluk bia 6:30, 31).
40.Hmun dang ah akai/lut mi cu mi fir hmang. (Johan 10:6).
41.Juda Iskariot cu mi fir asi. (Johan 12:6).
42.Fir a hmang mi he ikawm lo ding. (I Korinth 5:11).
43.Fir a hmang mi hna nih Pathian ram pennak chung ah an lut lai lo. (I Korinth 5:11).
- Chawva duhtuknak thianglo le ding lo in lak aduh lotu cu, hmun sangpi ah a um lai, a nuam lai, ei din angei peng lai. (Isaia 33:15-16).
- 45.Zakai nih aho lak sin in zeithil poh ah, lak ka ngei ah cun, a let liin ka cham lai, tiin. (Luka 19:8).
- 46.Tangka Duhtuknak huattu cu, a dam asau lai. (Phungthluk bia 28:16). etc.
Cre: Moses pa