Chin Miphun hna nih fa tlawmte ngeih hi kan sungtuk cang fa tampi ngeih hi icawnpiak can acu cang hmailei ah kan ngaichih sual lai?

Tlangcung miphun ah hin Chin miphun hi kan tlawmbik cang, zeidah aruang? Thancho/cangkang kan duhtuk nak ah fa tlawmte ngeih hi kan uar deuh phun in alang ko, ram dang ah kan um cang ko hmanh ah fa tlawmte ngei hi kan duh deuh phun in alang, cuti asi ah cun hmailei kong ah Politic ah siseh, ram thanchonak ah siseh, Economic lei ah siseh, Fimthiam cawnnak ah siseh, zei tik hmanh ah miphunpi kan si kho lai lo pin ah, mi dang hnu zulh peng miphun kan sit e lai! Nan zumh zong ah zumh lo zong ah miphun dang phak khawh dirhmun ah zeitik hmanh ah kan dir khawh lai lo!

Birth control policy hi miphunpi India vai le China miphun hna nih an ram ngeih nih adaih ti lo ca le minung an tamtuk cang caah anrak hman mi hi asi, mah cu miphun tlawmte Chin mi nih kan hei lak riang mang in atu ah fa ngeih tlawm duh in fa 2-3 te kan ngei cang ah cun kan stop terbak tawn hi thil dik lo ngai mi le Pathian duh lo phun zong asi, Hi icawnpiaknak dirhmun ah kan dir peng asi ah cun, arauh hlan ah Chin miphun hi miphun dang lak ah Assimilate kan sit e lai mu! Kan politician le kan nu le kan pa hna bia tak tein khua ruah ceu in Chin miphun dih lak nih fa ngei tam hi kan icawn piak can acu cang timi philh hrimhrim lo ding atha lai.

Kan Unau Mizo/Lusai hi atu ah ram chung ram leng um mi dih lak in, ram chung ah1.5 million le ram leng ah 500,000 hrawng an um cang, adih lak in 2 million hrawng an umcang tinak asi, Chin state ramchung ram leng ah um mi hna hi, ram chung ah 500,000 hrawng kan um, ram leng ah 150,000 hrawng kan um, population hi kan tlawmtuk hringhran rih k olio ah, fa ngeih tlawm hi kan uar deuh deuh phun in atu dirhmun ah kan kalpi deuh khi asi, Cu caah bia tak tein Nunu/papa, ram hruaitu le biaknak lei hruaitu kan dih lak in fa ngeih tam hi icawnpiak ceu nak ding ah hramthawh a herh tuk cang, hmai lei ah kan ngaichih te lai!

South Korea nih kum 16 chung fa ngeih tam ding ah $200 billion an hman dih, South Korea nation’s President Yoon Suk Yeol nih $200 billion hi an hman dih ko hmanh ah fa ngei an tam lo tiah ati, Yoon Administration nih nupa nih fa kum 1 mi angei mi caah thlachiar in bawmnak an pek tawn hi, 300,000 won ($230) cu kum 2020 ah700,000 won ($540) in tamter asi, 2024 ah cun 1 million Korean won ($770) an ngah cang lai.

Russia ram zong nih fa ngeih tam hi an tim ve ko cang, policy thar arauh hlan ah hman an tim ve cang tiah theih asi fawn cang, atu ah hin nupi pasal ngeih lo Single tamnak ram hna chung ah hin, South Korea hi kan chim cang bang in South national statistics office nih an tuaktan ning in, 2050 ah South Koreans mi tampi hi Single an si lai an ti, South Korea ah hin Single an tam peng khi asi, 2021 ah single an tam ning cu (7.2 million hrawng an si) Statistics Korea, ratio 2000 ah 15% , century lai hrawng ah 40% in a kai lai tiah an ti.

Japan-ram hmanh nih vawlei cung ah minung tam lei ram ah 7 nak asi ko hmanh ah atu ah hin, an ram acoyah nih fa ngei mi hna cu tangka tampi he bawm ding in nawl an chuah cang, Japan-ah hin can sau deuh fa ngei atlawm caah tiin, atu ah cun Ministry of Health, Labour and Welfare hna nih, fa ngeih an tam khawh nak ding ah tiah,  bawmnak tangka an pek tawn mi cu tamter ding ah cathanh an tuah cang tiah arak phuang ko cang.

Acoyah nih cun Childbirth and Childcare Lump-Sum Grant caah yen 4,20,000 ($3060.94 ) cu nupa karlak ah  fa ngei thar hna sin ah, an pek tawn kha asi, policy thar ah cun Minister of Health, Labour and Welfare, Katsunobu Kato nih tangka pek ding cu, yen 500,000 ($3643.97)-ah karhter asi cang tiah thawng thanh asi, Minister nih hin Japan prime minister Fumio Kishida zong achimpi cang, kalpi khawh asi cang lai tiah zum asi, acoyah kum thar ah hman cawlh asi lai an ti.

Chin ram cu,

Acoyah nih 2021 data an chuahter ah cun, Japan nih hin kum 100 hnu ah fa ngei tlawmbik can aphan cang caah, minung a tlawm ah cun zei poh lei ah thazang ngei lo kan si pin ah, putar/pitar long nih ram athangchoter kho lo timi hi fiangte in an hmuh, mah ruang ah cun policy thar ngei in  fa tam ngei sin ah tangka tampi bawm hi an thanhnak asi, 2021 kum ah khan Fa hrin/chuak hi 811,604 asi lio ah mitthi 1,439,809 zat bak an ngei khi asi, minung tlakniam/tlawmnak cu 628,205 bak a tling.