Chin ram Letpanchaung pawng Tuingo chak lei ram tang ah mah ritsi/drug tuah/hmang mi pawl tlaih asi,
Mah an tlaih mi pawl hi minung 20 hrawng an si, cheukhat hna cu Injection tuah phun le zu hna zong an itel, thil dang dang hna rit si phunphun hna asi tiah report nih alanghter, an tlaih mi hna chung in an chim ning ah cun, Drug, Zu, le thil dang hna hi azuartu nih ahmun bak ah an pek/ delivery an tuah piak peng tawn khi asi ati, mah hmun ah hin rawl hna thathi in ei lo mi zong an um, aruang cun rit si le zu hna long long hi an din/tuah duh mi an si tiah an chim, mi cheu khat hna cu khua chung in akal tawn mi zong an um, an thil tuah duh mi cu ah omit mei zoh her lo in zalong ngai ngai in mah hmunhma hi hman asi tiah theih asi.
Tampi hna hi kan ram buai hnu ah atu bantuk thil tha lo tong mi hna an si, cheu khat cu a tongnak asau pah cang, atong sau deuh cang mi hna nih an chim ning ah cun, ram buai hlan ah khan nikhat ah an thil herh mi hi Kyat 10,000 man hrawng asi, atu ah cun Kyat 2000 man hi atam ngai cang kan za ko an ti, Kyat 500 man aza cang mi zong an um ko ati, mah hna hi kan miphun le kan mi le sa hna an si, lung chiat awk ngai ngai khi asi, lung afak ngai ko, report alut caah kan miphun ralkap hna nih atu bantuk in an tlaih mi asi, thlacam in bawm ko hna usih.
Nizan hmasa ah news ah kan langhter cang bantuk in Russia kong ah UN Human Rights Council member sinak in vote he hlonh asi cang,
UN General Assembly ah Ruusia cu Ukraine a thuat doh ruang le Bucha- ah civil minung sualnak ngei lo 400 leng thahnak ruang ah cun, UN Human Rights Council meeting ah vote la kasi, Russia ram cu UN Human Rights Council member sinak in hlong bak asi cang, vote laknak ah Russia hlonh duh lei ah vote 93 a tla, hlonh duh lo lei ah vote 24 a tla, hai (abstain) lei ah ram 58 an um, India zong hai abstain lei ah a um than ko.
Ukraine President Zelinsky Greece Parliament hmai ah biachim mi tlangpi cu, “Greece nih Ukraine mipi hna nichiar herh mi le hriamnam hna nakan pek mi cung ah lunglawmnak tampi ka ngei, Democracy vawlei hna nih Russia sanctions nak ding ah hma an lak mi ah lawmnak bia chim cawk lo kan ram nih kan ba ko, Idohnak a dongh kho rih fawn lo, Mariupol & Bucha ah thil cang mi tampi hna cu nan hmuh ceo ka zumh, Kan mi raltha hna tampi a um ko hmanh ah, ralthatnak nih tuah khawhnak tampi angei lio ah tuah khawh lo mi zong tampi a um ko, Mariupol lei ah mi tampi Russia ram chung ah hramhram in an hruai lut hna, nan thil tuah khawhnak hmang in, Russia nih remdaihnak an duh khawhnak hnga lam kan kawlpi tuah u, Russia nih Ukraine ram uk tim lo in hna ngam tein kan um ve khawhnak hnga tiah lung kuai ngai in bia arak chim mi asi.
Ralpi 2 nak dongh lei 1945 kum ah German a sung hnu ah khan, Allies ralkap hna nih German meithal rifle 91,000 leng an tlaih mi hna an chiahnak hmun asi, atam taktak ko hih!
Kuraine ram hi vanthatnak lei an pan deuh deuh bawmtu anrak ngah tam ko “Musk Starlink” USAID bawmnak cu turu taktak,
US Agency for International Development (USAID) nih SpaceX Founder Elon Musk hma laknak cu bawm ve in 5,000 Starlink terminals Ukraine sin ah pe kasi, Starlink, SpaceX’s satellite internet service nih hin idohnak nih khua chung thil vialte hna an hrawh piak dih ko hmanh ah, Ukraine ram chung ah internet service tha tuk le thawng ngai ngai mi pek peng khawh asi, broadband speeds – terminals or antennas hmang in cak/thawnter cuah mah ko, Ukraine ram hmun kip le hmun kil khawr khuate lei tiang thil cang mi vialte hna cu update bak in vawlei nih news thar kanrak thei khawh peng khi asi, Musk Starlink mirum pa uar a um taktak ko Ukrane caah thluachuah bak asi.