Chin ram thlanglei thawngpang motor sawmriat leng akir cang mi hna hi khawika dah aphan?
Nizan ah Suimilam 7:30PM hrawng ah khan Mindat khuapi chung ah ralhrang N0-274 hna nih meithal lian he mipi umnak khuachung lei hawih in vawi 2 an kah tiah theih asi, apawngkam ah um mi hna nih an chim ning ah cun meithal lian bomb an kah mi cu awthawng athang tuk caah kan lau tuk hna tiah ati, khua chung lei hawih athithi thi koseh ti phun in an kah mi asi, nain van that ah pakhat cu tlang le tlang karlak ah apuak, pakhat cu tlang bo deuh lonh in a puak tiah khua chung um mi hna nih an chim ning asi, minung belte cu thi le hriamhma ngei kan um lo tiah theih asi.
Zei ruang ah dah khuachung cu an kah tiah an ruahnak ah cun Matupi in anrak chuah hnu ah khan nizan long ah Mindat arak phan khi asi, mah motor long si lo in ralhrang pawl hrimhrim hi hriamhma faktuk ngeih mi hna le lam karlak idohnak ah athi mi an tamtuk ruang ah, atu mindat khua chung arak luh ah hin an thinhun tuk nak ah atu bantuk in mipi hna sin ah thinhunnak langhter in khua chung cu bomb he anrak kah mi as tiah an zumh hna khi asi, an motor chung ah hin hriamhma ngei mi adam lo mi an tam ngai ko tiah mit in an hmuh hna kong atu bantuk in anrak chim mi asi.
Mah motor 83 hna lewall rot motor 2 hnha hi Matupi in Jan 25 2022 ah chuak cang mi asi, Matupi CDF hna nih meng/mile 70 Champion khua tiang an doh hna khi asi, Cun meng 70 in 60, 56, 16, tiang CDF Mindat he an idoh hna khi asi, mah lam lak ah an idohnak hi vawi 15 hrawng an idoh tiah theih asi, vawi tampi mine hna puah asi, bomb puah thawng he ikahnak meithal thawng he nichiar in theih asi, mahi doh kahnak ah hin CDF Mindat pawl nih hriamnam zei maw zat an lak piak ve fawn khi asi, motor hna cu Feb 4 2022 long ah meng 16 aphan chauh khi asi, Mindat khuapi phan ding ah meng 16 a um rih, Feb 8 2022 long ah Mindat khuapi chung an lut khawh khi asi, Matupi le Mindat karlak hi meng 104 sau asi, ralhrang motor hna cu ni 15 chung bak an kal tinak asi.
Matupi le Mindat karlak an kal chung hi ni 15 hrawng an rau, ralhrang minung zei maw zat an thi pin ah hraimnam hna le bomb hna zong tampi an sung chih rih, mahr uang ah cun Mindat khuapi chung an luh ah khan an thinhun tuk nak ah khua chung lei hawih in atu bantuk in meithal lian he an kah mi asi tiah an ruah hna khi asi, an motor hna zong hriamhma ngei mi long te an si ve cang tiah mit ah hmuhtu hna nih an chim, kan hnu lei news ah kan langhter cang bantuk in, ral an sung ruang ah cun an ralkap Bawi cu ahmunpi lei in anrak Suspend kha asi, an sung taktak ko.
Sourer: CDF Mindat