Chin state thlanglei Matupi peng chung ah um mi khua zei maw zat nih khua an chuahhtak dih cang caah saram hna cu rawl petu an um ti lo zangfak an si?

Kanrak theih ceu bang in naite ah Chin ram Matupi base in a um mi Ralhrang hmunpi 2 hna chung in ralhrang hna nih sualnak ngei lo minung 10 hna an thah hnu ah cun aho hmanh khua chung ah um ngam ti lo in khua 7-8 hna cu, aho hmanh um ngam ti lo in an chuah tak dih cang tiah thei asi, apoi taktak ko, kum Upa le upa lo zong chim lo in an dih lak in nun him an duh ve ruang ah khua chung an chuah taknak cha nasi, an satil ngeih miu tete Vawk, Ar, Na, Caw, Sial ti bantuk hna zong an zam tak dih khi asi.

Mah saram hna cu atu ah hin aho hmanh nih rawl le ti hna petu an um ti lo caah an vak vai ve bak ko cang khi asi, zei tik cang tiang dah khua chungah kir kho lo in an um hnga theih fian khawh asi fawn lo, Pi tar pakhat le bang cu Mizoram aphan ka tein athi tiah thawng theih asi tik ah lungthin akhenh bak ko cu mu! Zei asi zong ah atang mi minungtu dam te in Mizoram an phan khawh cu lawmpi um thiamthiam ko, saram hna belte cu zeitin dah an um peng lai ruah ahar ngaingai ko, Pathian nih Chin miphun caah zei tin dah khua akan khan piak lai Bawipa nawl siko se?

Mah an chuah tak mi khua hna cu Lung Hlaw, Ki Thlueng, Kace, Ti Baw, Ngaleng le Bawi thia hna le adang hna zong zei maw zat an itel tiah theih asi, an facang ngeih mi hna le an thil ngeih mi hna tete zong tampi kal ta kasi tiah Ki thlueng khua in Mizoram ah aphan cang mi pa pakhat nih atu bantuk in achim mi asi, achim than nak ah saram hna cu akan kal tak ko cang tiah theih ve bantuk hrim in amui ka zoh ngam bak lo ati, saram ava si ko hmanh ah zangfak taktak khi asi ko, atu ah hin ralhrang hna nih hmun hma hna zoh in an tlawng/hlatthlai peng asi rua, Matupi lei arak kai cuahmah lio mi Pakokkuu No. (101) le motor 92, thirwall 2 hna anrak thlah hna mi zong an phan cang tiah an ti.

Mindat le Matrupi karlak 37 mile pawng hrawng ah hin CDF Mindat hna nih rak bawh in faktuk in idoh/kahnak achuak ko tiah theih asi, Matupi chak lei zong ah ralhrang (140) le Cabawngte um mi company pakhat hna hr ifawnh in atu tiang idoh/kah peng rih khi asi, Sittwe base K.L.Y (20) le (189) Paletwah base mi Group 3 fawnh in Paletwah le Sami hrawng ah idoh ding in ready an si fawn cang, Sitwe lei cu ni 10 ni ah khan arak chuak cang tiah theih asi.

Tu hlan ah cun Chin le Sacgaing region nih adjustment an tuah ko nain atu ah cun Rakhain lei ah ral an idoh tilo tik ah mah hna he ifawnh in Chin ram hi thuat ding ah ruahmannak an tuah lio asi timi zong theih asi, Magwe base (302) zong nih Matupi base (304) he fawnh in hmun hma an laknak hi thla 2 hrawng asi cang tiah theih asi, Ralhrang hna nih Matupi civil mi 10 an tlaih hnu ah an thah ruang ah cun Matupi CDF le ralhrang (304) vawi 2 hrawng idoh kahnak a um cang tiah chim asi.