China nih Fa 3 ngei cu high school tiang cawnnak Tution fees free asi lai: Zei dah Chin fa ngei tam pawl cu an ngah ve lai??
Kan khua chakpa Chinese Communists pawl nih cun kum 2016 January in fa pakhat nak tam ngeih nak (one child policy) cancel in, 2021 May thla in fa 3 ngeih ding sianh piak asi cang, Cu tluk vawlei ah minung tam asi ko hmanh ah thancho nak ding ah, cawnnak (education) le thil dang ruang ah cheukhat nih cun fa an duh ning tam a um lo, atu ah cun fa 3 ngeih khawh asi cang lai.
China cu US ti lo cu an economy a thang ngai ko, atu ah hin World No. 2 an si lio hmanh ah, Fa tampi ngei hi atamtuk lo, South China Morning Post nih a tial, China ram ah cun education for fee tiin, kum 9 chung cu fees an pek a her lo, High School tiang tution fees an pek lai lo khi asi.
China population hi san khat lian vawi 6 chungin, nikum 2022 kha a tlawm bik can asi, acoyah officials chim ning ah cun 2021 ah khan minung 850,000 hrawng in an tlawm tiah an ti, Ngakchia hrin/chuak hi an tlawmtuk hringhran, nikum ah minung 1,000 chung ah fa ngei cu 6. 77% long asi, Mao Zeding-nih People’s Republic of China a dir hnu, 1949 kum hnu ah, minung hrin/chuak tlawm bik can asi an ti.
Hi bantuk in ngakchia hrin/chuak atlawmtuk ruangah, Weifang, Shandong province acoyah nih cun, fa 3 ngei mi nih cun an fa 3nak nih High School ah tuition fees a pek lai lo, tiin fa 2 long si lo in 3 tal ngei hrim hrim ding in chungkhar kip nawl an si cang, H dan/dun thar tuah hi nikum May 31 hnu ah fa 3 ngei hna nih cun high school tuition fees an cawi/pek ve lai lo.
Shandong province (state) nih cathanh an tuah hlan ah, Hangzhou province nih, fa 1nak tam ngei hna nih car plate lottery desined pek in, traffic le pollution control kong ah khuapi tam tak ah fees an pek a her lai lo, tiin cathanh anrak tuah cang, Zezhou county, Shanxi province ah cun, Jan 30, 2013 hnu ah hrin/chuak fa 2nak maw, 3nak maw nih cun High School Extrance Exam can ah an mark hmuh pumpi in 10% extra points an hmu lai, tiin cathanh an tuah fawn.
China ram ah One Child Policy anrak kalpi sau ko cang, atu ah hin Pitar/Putar an tamtuk cang tiah an ti, cheukhat nih Postgraduate le Doctoral students hna cu, an cawn lio ah nupi pasal ngei in fa ngei an si ah cun, Acoyah nih “National Childbirth Policy” a kalpi cang bantuk in financial a pek ding asi tiah an ruah, China nih hin demographic crisis a ton lio khi asi.
Mr. He Dan, Director of the China Population and Development Research Center nih, College students hna le higher education system le miphun pumpi ah ingeihnak le Childbirth policies hna cu a peh ding asi lo, mino tlangval hna cu nupi pasal ngei in, fa hrin/chuah ding ah cawnpiaknak pek a her tiah ati.
Chin Miphun hna:-
Chin mi chung ah hin, Fa ngeih tam hi cawn piak can acu hrimhrim ko cang e, atu thawk in fa ngeih tam hi kan icawn piak lo ah cun, mi phun dang kan mah nak in miphun a tlawm mi pawl nih akan lonh te lai? Chin miphun Fa ngeihnak kong ah hin bia tak tein Biaknak lei Pastor/Hruaitu Upa le Politician hna zong nih hi kong hi chim tam acu cang.
Fa ngeih tam policy hi atu thawk in kan ngeih lo ah cun miphun dang lak ah Assimilation/cimralnak in kan um te lai? Chin state 2014 census ah ting 5 deng mang kan um, minung tam ning rate hi atu ah minung 1000 ah 3.12% longte kan si ko e, ruah can acu, cawn piak can a cu, ram le miphun adawtu hna caah cun hi kong hi thil dang nak in biapi bik cem cang!
#Birthcontrol#