Cu Tluk Zion Par Hla Thar Dawh Khawh Cu (VIDEO).

Cu tluk Zion Par hla thar dawh khawh cu. Pasal a neih hnu ah hin a aw a tha deuh hlah maw ti awk bak khi a si. A thiam tuk ning cu a mak law law khi si. Zion Par hi Pathian rianttuan in hmun dang dang ah ummi a si i, Pathian aa bochan ngaingai mi a si. A tang bak ah Zion Par hla thar a um lai.

Credit : Lalngilneii Official Channel

SAC Ralhrang Nih Kum 14 Ngakchia An Thah.

SAC ralhrang nih Kalay Myo ah kum tling lo ngakchia Tg. Kam Lam Khai (Kum 14) cu January 26 ah an kah i thi tiah ZFU ( PDF Zoland) nih an langhter.

Hi Ngakchia kum 14 lawng a si rih mi an thah nak kong he pehtlai in Zomi Federal Union (ZFU/ PDF-Zoland) nih January (Tangkhawng) 29 ah an ngaihchiatnak le an dirhmun kong ah cathanh in an langhter.

Ṭhitumpuai Ah A Kal Mi Nu 2 An Kirlei Ah Kah An Tong, Pakhat Nunnak Liam

Mandalay ramthen, Patheinkyi peng Nandataung khua le Mandalay-Madaya lampi ah ṭhitumpuai zawh mi nu 2 cu an kirlei ah kah an ton caah minung pakhat nunnak liam tiah theih a si.

January 31, zinglei suimilam 11:00 hrawng ah Nandataung khua ah ṭhitumpuai zawh ding in cycle he a kalmi mi nu 2 cu an kir lei ah cycle aa phirhmi mino pa 2 nih cycle in an dawi hna hnu ah meithal in an kah hna tiah mi bawmchantu phu in tuanvo ngeitu pakhat nih a chim.

Meithal akah a tong mi nu 2 hna cu Kyawy Yekone khua mi Ma Myo Ma Htay(kum 19) le Ma Phyu Zin Tan(kum 21) an si. Ma Phyu Zin Tan cu a Hnakhaw kam ah kuan a luh caah kah a tonnak hmun ah a nunnak a liam tiah a chim.

Nu pahnih kah an tonnak kong ah mi zei phu nih an kah hna le zeiruang ah kah an ton theih a si rih lo. Ma Phyu Zin Tan ruak cu mi bawmchantu phu nih Mandalay sizung ah an kuat tiah theih a si.

Credit : The Chin Post