Ethnic armed group in thawngtla mi 114 hna case dither, Military Council nih Chinram target, ralhrang le Miphun ralkap idohnak thawngpang tling tein aw,

2021 October ni 15, ram pumpi idoh/kahnak um lo ding in, Nationwide Ceasefire Agreement (NCA) sign nak kum 6 ni theih pengnak, court lei nih case ngei mi Ethnic armed group dang dang hna chung in minung 114 hna (case) cu military council adihter cang tiah phuan asi, Arakan Army (AA) lei minung 61, Kachin National Army (KIA) lei minung 23, Karen National Union (KNU)/Karen National Liberation Army (Peace Council) (KNLAPC) lei minung 1, Myanmar National Democratic Alliance Army (MNDAA) lei minung 1, Restoration Council of Shan State (RCSS)/Shan State Army (SSA) lei minung 12, Shan State Progressive Party (SSPP)/Shan State Army (SSA) lei minung 5 le Ta’ang National Liberation Army (TNLA) lei minung 11 hna an si tiah thei asi, NCA ah kum 6 kimnak cu lawm in October 15, zing lei Naypyidaw-ah military council lei hruainak tang ah lawmnak tuah asi, mah ah cun NCA min sign hriamnam tlai 10 chung ah Karen National Union (KNU) le Chin National Front (CNF) silo, mi dang 8 hna cu an tel dih tiah thei asi.

Myanmar Military council nih Chin ram chung hi target asi, In le Biak in hna tiang mei khangh asi cang,

Military ralhrang hna nih atu lio ah hin Chin state chung ah bia tak tein thuat an timh caah, ralkap tampi hna le motor le tanks hna tiang anrak thlah/kalter hna khi asi, Chin State miphun ralkap hna CNF camp “Camp Victoria” cu lak tim asi lai tiah mi tampi nih an ruah, Cunglei in Jet fighter, avawlei ah Tanks tampi le ralkap tampi hna cu, arak chuahter cuahmah lio asi, atu ah hin Halkha/Falam pawngkam hrawng ah tampi um in idoh/kahnak zong achuak pah leng mang ko cang, Military ralhrang hna nih hin Thlanrawn ah mipi sualnak ngei lo In 13 cu mei an khangh piak cang tiah thei asi, Biak in zong mei khangh piak asi fawn cang.

Mipi hna cu himnak kawl in hmun himnak ah an ruah mi ah ralzam lio an si fawn cang, Military ralhrang hna nih mipi cu ihup phennak/ human shield caah hman asi fawn, Myanmar military nih cun Sagaing region Tahan, Khampat phai, kan Chin mipi umnak hna, Chin State Zo hnahthlak unau hna umnak, rakthuat tim asi tiah thei asi fawn, mah hna hi an lak khawh ah cun state dang le Region dang hna thuat ding ah timh asi, Amah belt e cu kan miphun ralkap hna nih hin an zoh ve sawhsawh lai lo timi hi afiang ngai ve fawn, CNF, PDF, CNA hna cu military hna he idoh/kahnak hram an thawh ve bak ko cang khi asi, boruak zong arit ngai ko nain kan miphun ralkap hna nih teinak an hmuh khawhnak hnga kan umnak ceu in Bawipa sin ah thlacam piak ding in mawhphurnak kan ngei ceu ko timi hi philh hlah usih law, Pathian abiak lo mi cu kan tei hrimhrim ko lai!

Chin ramkulh chung idoh/kahnak thawngpang hna,

CNA le CNDF/CDF cawlcangnak nih military Ralhrang Motor 7 hna cu cei lak in an hrawh piak hna tiah thei asi, Falam in Hakha lei aa thawh mi ralhrang motor 60 le tank 2 cu CNA le CNDF/CDF nih Taal khua pawng in an kham hna i Hakha lei lanh kho lo ding in an tuah hna caah nihin tiang an um rih tiah thei asi, achuak mi ralhrang motor 7 hna cu Miphun ralkap hna nih cei lak in an hrawh piak mi asi, Tuzing zong ah Taal in Falam lei ah ralkap hliamhma ngei minung 15 hna aphurtu motor le ke in akir mi ralkap 40 hna cu, Lungpi khua lonh ah miphun ralkap hna nih anrak kah ruang ah kir kho lo in an um.

CNA le CNDF/CDF lei dirhmun hliamhma ngei le ngei lo hna cu fiang in thei khawh asrih lo asi, Hakha le Falam peng hrawng ah military ralhrang hna hi minung 400 renglo an si lai tiah ruah a si, CNA le CNDF/CDF pawl nih a kar ah ceh in kahnak le dohnak a um pah lengmang hna tiah asi.