HCJ Nih Hakha Ummi Caah A Biapi Tak Tak Mi Thawngthanhnak An Tuah Cang.

Ralhrang nih Camp Victoria Jet in a kahmi duhlo langhternak le tuarpinak caah 2023 January 11 (nithumni) cu mizapa dawr khar dih ding le pumpak miaknakrian ṭhul dih i silent strike tuah dingin thawng kan in thanh hna.

Credit : Hakha Campaign For justice

SAC Vanlawng Kahnak Ruang Ah Chin Ralkap 5 An Nunnak Liam.

January 10 zaanlei slm. 4:30 hrawng ah SAC ralkap nih Chin National Front / Army (CNF/ CNA) hmunpi Camp Victoria cu Jet vanlawng 3 in a kah caah Chin ralkap 5 an nunnak a liam( an tam deuh kho) i hliamtuar zong an um.

Camp Victoria a kaptu Jet Vanlawng 3 hna cu TadaOo Airfoce vanlawng bual ah Myanmar time zaanlei slm 4:50 ah pakhat ,5:8 ah pakhat, 5:11 pakhat tiin an țum than cang.

Chinland le Miphun caah nunnak a petu kan Chin ralkap Upatnak sangbik kan in pek hna. Nunnak petu an i chap kho. Update țhan kan i zuam la.

Credit : The Chin Post