India ramri Siaha district kawlram nainak khua Zawng Ling ah Assam Rifiles hna nih thil puak kho mi tampi an tlaih tiah All India Radio News nih an phuan,

Siaha district Myanmar ram nai biknak khua Zawng ling khua-ah Assam Rifles hna nih zahan ah khan, thil puak kho mi (geletine) an ti mi cu kg 2500 le a fuse meter 4500 sau an tlaih piak tiah news nih arak thanh mi asi, Mah an thil tlaih kong he peh tlai in motor truck pakhat le minung 3 hna tlaih chih asi tiah news nih an than, mah minung 3 an tlaih hna mi cu Sangkima kum 29 Myanmar national, M.C Lallungrualpuia kum 41 Indian national, Lalthlenglian kum 36 Indian national hna an si, mah Gelatine le ahrui an tlaih mi hna hi khawi lei dah panpi an si lai timi atu tiang ah cun thei khawh rih asi lo tiah news nih an langhter chih fawn khi asi.

YouTube channel le website news dik lo post mi hna cu block piak peng asi lai,

I&B Minister nih India doh lei phun in catial le news thanh mi hna ruang ah, atu ah hin YouTube channel 20 le website 2 block pia kasi hnu thai zing ah, information and broadcasting minister Anurag Thakur nih Tuesday ah khan India doh lei phun holhka le catial tibantuk hna cung ah cun acoyah nih hma alak peng ko lai ati, Intelligence agency-hna he bia taktein hlathlainak ngeih hnu ah I&B ministry nih cun India soisel/soichiatnak vialte hna le bia dik lo chimnak YouTube channel 20 le website 2 block piak ding in nawl pek asi caah, block piak asi tiah achim.

Ara lai can zong ah India doh lei phun in catial/Youtube channel hna ah news thanh mi pawl cu atu bantuk in hmalak peng asi cang lai tiin Minister nih cun achim, I&B ministry nih cun mah YouTube channel 20 le website-hna hi Pakistan network kaltlang in post le theh darh asi tiah ati, India caah nuam lo ngai ngai mi bia hna an chim pin ah “Kashmir, Indian army, India ram miphun an tlawm deuh, Ram Mandir, General Bipin Rawat timi hna hi an thanh an tial tiah achim.