Kan Chin ram le miphun kilh ventu pasal tha Group Leader tlangval Mr San Thar nih ram le miphun caah nunnak a pek ve cang (RIP)

CDF-Matupi le ralhrang hna cu Re Zua khua ah idoh/kahnak ah vanchiat ah, Tlangval ram le miphun kilhventu ralkap tha bak mi pasal tha Mr San Thar cu ram le miphun caah nunnak a pek ve cang tiah CDF thawng thanh nak nih arak langhter mi asi, atu bantuk in tlangval tha zang ngeih lio mi nih nunnak nap ek mi cu atuan deuh bak ko e, zei asi zong ah nang cu miphun nih zei tik hmanh ah an philh khawh ti lai lo, nan thisen man cu nikhat can khat ah kan ram nih aman ahmuh te lai mu!

Matupi CDF Group N0-2, ah Leader hruaitu asi mi tlangval Mr San Thar hi pa fel ngai mi asi, New Delhi Inda ah Delhi University ah BBA graduated mi asi, cawnnak an dih hnu ah Chin ram ah kir than in atu bantuk in ram le miphun caah bia tak tein ram tang ah riantuan cuahmah lio asi, atu Matupi CDF N0-2 leader mawhphurnak rian ngeih lio ah tuantuk in atu bantuk ram le miphun caah nunnak a pek mi hi mipi nih kan siang lo ngai ngai khi asi, Asin ain zei hmanh tuah piak khawhnak kan ngei lo caah, kan ram le miphun nih nan ri8antuannak hi zei tik hmanh ah kan philh kho ti lai lo, Bwaipa sin ah hnangam tein idin cang ko mu!

Matupi CDF N0-2 Leader asi mi Salai San Thar cu nihin ah khan, idoh kah nak faktuk in achuak khi asi, can sau nawn an idoh hnu ah vanchiat in tlangval Salai San Thar cu anunnak aliam khi asi, kan miphun caah sungnak tamp ikan ngei apo ikan tin gai ngai ko, atang mi miphun ralkap hna, an chungkhar le atuanpi mi a hawi hna vialte nih kan ram chung ah khawkhan lairel nak dik le democracy adir khawhnak hnga tiah mipi dih lak hna nih kan tuarpi taktak ko e, mah history hi zeitik hmanh ah atlau kho hrimhrim ti lai lo, kan ram kan miphun nih hmailei ah damnak zalongnak an hmuh tik ah na min hi a um peng ko cang lai, dawtnak he mang tha kun RIP.