Kan nau ram le miphun caah nunnak napek mi hiu tuantuk rih ko e, nangmah bantuk minung kan herh than ko sianh lo bu in, RIP

January 30, 2022January 30, 2022 Pu Tawn Mang

Nizan date 29.01.2022 zan lei ah Matupi CDF Group-2, chung in Bomb/mine atong thiam mi, Salai Mr, Bawi Kung cu van chiat in bomb nih apuak sual khi asi, mah hnu ah siizung panh pi in an kalpi ve ko nain, thisen tamtuk achuak manh caah anunnak chanh khawh ti lo in ramri khua, A Ru ah anunnak aliam cang thiah thawngpang thanhtu sin in theih asi, apoi ngai ngai ko, kan hnu lei deuh ah Rezua ah CDF le ralhrang idoh/kahnak ah Matupi CDF Group 2, Salai Mr, San Thar captain asi mi nih nunnak a pek cang kha kanrak theih ceu bantuk asi.

Atu zong ah, Salai Mr, Bawi Kung hi dynamic mine lei ah an rinh bik mi asi, asi nain ruah lopi in atu bantuk in nunnak a pek khi asi fawn cang, ka nau ziah tuantuk in na kan kaltak ko e, zei chim ding hmanh ka ngei ti lo, zei asi zong ah ram le miphun caah nunnak nap ek mi hi, nikhat can khat ah nan miphun Unau hna le nantuanpi mi miphun ralkap hna nih zei tik hmanh ah an philh kho ti lai lo mu! Hmailei ah zungzal pennak ram ah kan iton than te lai mu mang tha. RIP

Relchap ding:-

Nihin thawngpang ah lunglawmhnak le ngaihchiatnak deuh khi asi, meng 70 nak ah idoh/kahnak thawngpang fiang cu,

Nizan idohnak ah khan ralhrang pawl 5 thi in 8 nih hriamhma an ngei tiah report asi, kan miphun ralkap CDF lei ah pakhat nih nunnak apek ve tiah theih asi, Salai Mr, Sailen valangte khua nih ram le miphun caah nunnak apek khi asi, nihin 28.01.2022 ah Mindat le Matrupi karlak meng 70 idohnak ah Cdf ralkap 2 nih nunnak a pek ve faw, Salai Mr, Tung Mang le Salai Mr, Len Aung nih ram le miphun chanhnak ah nunnak ram caah arak pek hawi cang khi asi, Kawl Uico ralhrang pawl chung in minung 15 bak thi in pa 2 hna cu anung in an tlaih hna tiah report ah fiangte in an langhter khi asi.Mah idoh/kah nak hi kan hnu lei ralhrang motor 92 hna arak lut mi kha asi, mah ralhrang motor hna an kir lei khi asi, ralhrang pawl zong minung an tamtuk ti lo rua, motor 70 hrawng long an kir cang tiah theih asi, mah an kir lei cu meng 70 hrawng ah, Matupi CDF N0-1, hna he an idohnak ah atu bantuk in ralhrang 15 athi pin ah pa 2 tlaih an si ve khi asi tiah CDF thawngthanhnak nih alanghter mi asi.

Jan 26 ah Matupi le Paletwah lam cung ah um mi Ralhrang base Kaisi tlang hna cu, Matupi CNA/CDF hna hna he an idohnak cu zan lei Suimilam 4 hrawng ah idoh/kahnak hram thawh asi, ahnu deuh ah cun ralhrang lei hi ralkap 8 thi in 10 hna nih hriamhma fak nawn in an ngah tiah confirm cang khi asi, mahi doh/kahnak hi ralhrang lei nih meithal Lian hna he an kah Suimilam 5PM tiang an idoh ko nain, van that ah kan miphun ralkap hna chung ah thi le hriamhma ngei an um lo tiah CNA/CDF thawngthanh nak nih atu bantuk in report ah arak langhter mi asi.

Nizan zong ah khan Matupi le Mindat karlak hrawng ah ralhrang pawl le CDF hna an idoh tiah thei asi, amah belte cu kaht lei khat lei ah athi mi le hriahma ngei mi an um lo tiah report ah langhter asi, mah hmunhma lei zong ah hin Matupi CDF le Mindat CDF hna combine in atu bantuk in anrak idoh kha asi, Chin ram thlang lei Matupi le Mindat kar lak ah hin ralhrang hna cu, Helicopter hmang in anrak chiahchih peng tiah chim asi, Kawl ralhrang hna nih Chin ram chung ah doh/kah an timh ning hi, kan hruaitu hna nih tuaktan thiam zong arak herh ngai ve, ram/area umtu ning hna hi ralhrang pawl nih an theih bak ko l nain, an timh ning ah cun khua chung minung hna hi tlaih in lam hruai piaktu le I huhphenhnak ah hman tawn khi asi, mah caah cun mipi hna sin ah hin faktuk in Idea chim piak hi a biapi ngai ko, aruang cu naite Matupi thil cang mi ah fiangtuk in theih asi, Ralhrang hna nak in lamhruaitu hna Dalaan kan ti mi pawl hi tih an nung deuh caah, miphun ralkap hi kan thi tawnnak asi timi hi pumpak ruahnak he kavan langhter ve ta khi asi.

Matupi in ralhrang pawl an tlunnak lei ah Matupi le Mindat meng 80 nak ah idoh/kahnak ah ralhrang panga thi in pahra leng nih hriamhma ngei tiah theih asi, ralhrang hna nih apawngkam um mi khua hna cu meithal lian in an kah sawh sawh hna caah, khua te lei um mi hna cu himnak ding ah ram tang ah an zam dih hna tiah theih asi, miphun ralkap CDF lei ah thi le hriamhma ngei an um lo tiah report nih alanghter. Cre:Information: CDF Matupi