Khrihfa ram chung ah nunnak akan pektu Pathian bia Bible nak in Phone thimtu/duhtu an tam deuh ko cang,

Khrihfa ram chung ah nunnak akan pektu Pathian bia Bible nak in Phone thimtu/duhtu an tam deuh ko cang,

Kan it lai tiang kan tong hma hnu bik le kan pawng ah a um peng tawn mi cu “Bible” si lo in “Phone” asi ko cang.

Zing thawh cangka tein akan lawm hmasa biktu cu “Bible” si lo in “Phone” thiamthiam asi.

Hawi hna he ikawmh khawm can zong ah kan biasawng cu “Bible” si lo in “Phone” asi ko cang.

Nupa le aduh lio nungak tlangval karlak ah iremhtawn lonak phantertu cu “Bible” si lo in “Phone” thiamthiam asi.

Manh can te hmanh ah nunnak petu “Bible” rel or thil dangtuah nak in “ Phone” hi kan nunnak tluk asi.

Cawnnak lei ah minung hrawhtu le chiattertu cu “Bible” si lo in “Phone” arak si.

Zumnak lei ah thiang thlarau thanchoter khawhtu cu “Bible” si lo in “Phone” kan duh deuh ruang ah tlaunak lam kan zulh lio asi.

Miphun rotling le miphun thanchoter nak ding ah “Bible” asi lio ah “Phone” thiamthiam thim asi.

Bawipa riantuantu hna hmun khat ah an umti hna zong ah “Bible” kong chim rel nak in “Phone” kong chim le rel deuh khi asi.

Mino Youth hna vawlei ah alang ngaingai hna nian “Bible” nak in “Phone” ah an lang deuh ko cang khi asi.

Vawleipi thancho nak nih hin minung a hme bik in a lin bik tiang, Mi pitling ah kan ruah Biaknak lei le zatlang nun ah santlai ngai ding ah kan ruah mi hmanh hi “Bible” nak in “Phone” hi biapi deuh ah kan chiah phun in alang ko cang, Atu kan lam zawh lio hi asinak taktak ah cun “Tlaunak” lam zulh cuah mah lio kan si ko timi hi theih bu in “Bible” lei ah kan kirthan ding aher tuk cang mi asi.

Kan Bible-ah hin “Last Seen” timi hi um selaw, zeitin dah kan um hna hnga? Cheu khat cu “last seen today at ….” a si ko lai, Cheu khat hna cu “last seen dt..” ti bantuk hna an si ko lai,  “last seen” cu zeitik dah nan si ve hna??

Bible hi kan Mobile phone nak in kanrak biapi bik ko cang kan ti ah cun kan palh tuk lem lai lo tiah ruah nak ah a um, Bible le Mobile phone ah hi zei hi dah thawngtha bia phuan nak ding ah atha deuh lai?

Mobile phone zong atha lei phun in hman mi zong an um ko lai, Sihmanhselaw mi tam deuh nih cun zei zong vialte nak in Mobile Phone hi biapi deuh ah kan chiah ruang ah, Mino Youth tampi hna nih Game le thil dang tuahnak ca long ah ahman tik ah hin, cacawn lio le thil dang cawnnak lei tiang minung hrawhtertu asi cang caah hin Nu le pa hna nih kan fanu fapa hna hi atu thawk in ralrintein hmanthiamter tim u silaw atha ngai ko hnga?