Kum hnih deng mang ramri khar asi hnu ah Australia-nih ramri luh khawh ding in onh piak asi cang lai lunglawmh ding asi,

Australia nih kum hnih deng mang hnu ah international tlun kal nak lam onh than asi cang, khual tlawngnak visa ngei mi hna caah kal khawh asi ko cang lai, amah belte cu “Vaccine vawi 2 lak cang mi caah cun a rem chinchin cang ding khi asi” tiin Prime Minister Scott Morrison nih a chim, February 21 in ramri an onh asi cang lai kong ah mi tampi an lawm ngai ngai ko cang pin ah, foreign ah cacawng mi hna zong a tel khawh cang lai caah lawmnak an ngeih chinchin, Coronavirus zawtnak a um chung vialte ah hin Australia hi vawlei ram chung ah ramri khar sau bik ram asi, March, 2020 ah khan acoyah nih ramri hi a khar cang mi asi, ram dang in mi tampi lut khawh lo in,  pahnih khat tete cu zei maw ruang ah lut mi a um khi asi ko.

December in ram dang ah cacawng thiamnak deuh ngeih mi le riantuan tu hna caah luh sianh pia kasi, Nikhat ni ah khan Morrison nih cun an ramri cu venhimnak ngeih deuh mi hna caah onh asi lai tiah chim in, mah hi Upadi ning in mikip nih an pawm khawh zong ka beisei ati, Ngandam lonak ruang ah Ivennak vaccine lak lo hna nih luhnak an hal khawh, sianh pia kasi ah cun khuachung an luh hlan ah Corrin tine ah zei maw zat an um aher lai, zawtnak hrik ruang ah Australia nih hin a darh lonak ding ah ivennak hi fakpi in akalpi mi asi, an ram mi hna cu ram dang ah an chuah zong ah nikum in sianh piak an si lo tiah ati.

An ram chung ah hmun tampi hna ah an thlah zalong cang hnu ah Western Australia (WA) cu an strict deuh nak khi asi, atu tiang ah hin an state chung ah um mi tilo ah cun luh sianh asi rih lo khi asi, WA ah hin tu thla ah state dang le ram dang mi hna caah ramri onh piak an tim ve cang, nain Omicron variant ruang ah luh khawh asi rih than lo khi asi, Australia-ah hin minung 2.7 million leng nih zawtnak hri kai cang in, minung 4,240 hrawng nih an thih pi cang asi, tiah Johns Hopkins University nih atu bantuk in anrak langhter mi asi.