Lal Ro Tluang He Aa Naihniam Mi Pakhat Nih A Chim Mi Cu Celh Ding A Si Lo.

Hakha khua chung kahdohnak ah CNA Lt. Lalrotluang nih ram le miphun ca ah a nunnak a pek.

November 16, 2022 : 2022 November 15 zaan Hakha khuachung Chin Oo Sii sang kahdohnak ah CNA ralkap lei in Lieutenant Lalrotluang a nunnak a liam tiah thawng theih a si.

 

Hi kong he pehtlai in Lt. Lalrotluang he aa naihniam mi pakhat nih, “November 15 zaan ah a si. Raal kah ding an kal lio ah ralhrang nih an rak bawh cia hna. A taang ah voi hnih an kah. A ruak zong aa la kho lo,” tiah THP ah a chim.

Lt. Lalrotluang hi siang ca chim a tuan mi a si. Ram a buai hnu in CNA ah a lut. A nu le nau he lawng khua a sa mi an si tiah kan theih. Lt. Lalrotluang cu CNA a luh ka in raal aa tuk fatin ralhraang meithal a la khotu a si pin ah, Timit raaltuknak hmun ah naam in ralhrang ralbawi pakhat zong a sawh ngam mi paraltha taktak a si tiah theih a si.

Credit : The Hakha Post