Let Yet khua ah School Siangngakchia hna Thihnak Raptlak ning cu careltu hna mit thli tlak lo awk tha lo khi asi,

Let Yet khua ah School Siangngakchia hna Thihnak Raptlak ning cu careltu hna mit thli tlak lo awk tha lo khi asi,

A hmasa zong ah Jet Fighter cu khua chung ah a zuang/kal tawn peng ko nain, atu cu ni dang nak tam Jet Fighter arak ra tiah a theih bak in, sayamah cawnpitu Tida-nih cun school ngakchia hna vialte cu, aran khawhnak chung in le asi khawh tawk in hmun himnak lei deuh hmun ah kal dih hna ding in hmalak cawlh khi asi, mah school-ah hin KG in Primary tiang, ngakchia um mi vialte hi an dih lak in, minung 240 leng an si, mah school ngakchia vialte hna cu an mah cawnpitu saya/mah hn ceu nih an ti khawh tawk in himnak deuh ah an ruah mi ah kalpi ceu khi an si.

Can tlawm pal ah cun ruah sur bantuk in van cung in bomb arak sur khi asi ko cang, Hmunhim lei kal manh lo school field-ah um ngakchia hna cu mangbang le tih bu in himnak kawl in an tli hna lio ah cun, van cung lei in bomb cu asur in asur peng cang khi asi fawn cang, sayamah Tida-nih cun apawngkam ah hliamhma tuar ngakchia cheu khat hna cu, asi khawh tawk in an hlawpbul pah in hmunhim nak lei ah a hnuk lut ve peng fawn kha asi.

Ka U Bomb nih akan fuh” tiin arak autu sayamah pakhat cu “Ka Nau ihkhun tang ah lut ko” tiin rak au pah in a si khawh tawk ngakchia hna cu ihkhun tang ah hnuk lut peng fawn asi, mah hnu ah cun Let Yet khuachung ah azuang/kal lio Jet Fighter 4 nih cun akarlak ah Bomb le meithal he an thuat/kah peng khi asi, ralhrang misual hriamnam lian lak ah kum tling lo school ngakchia hna le saya/mah hna, humhim khawhtu um chun cu, Pathian biak in ah kum upa tuk cang mi ihkhun tang longte kha asi.

Sayamah Tida- le ngakchia 10 rual an ithupnak ihkhun pawng ah cun bomb arak tla puak pup khi asi, bomb le hriamnam awthawng hna adai hnu ah cun, ahnulei ah bomb nih a fuh, ngakchia kum 10 hrawng asi mi taksa pumpi thisen he akaht ko, A kiang kap ah ngakchia pakhat cu a paw puak keh in acawlcang ti lo fawn cang, Cun, ngakchia cheu khat hna cu kut ngei lo, Ke ngei lo tampi an um fawn, mah hnu arauh hlan ah cun Bomb nih a fuh mi, cawnpiaktu pakhat “Cawnpiaktu kan nih lei cu akan fuh tuk hna khi asi, hliamhma kan tuar tuk hna e tiin, rak kan bawm u! rak kan bawm u! tiin au aw an theih.

“Kan nih zong kan cawl kho rih lo, Hliam tuar ngakchia hna kha angki he hren piak ko ulaw, tiin sayamah Tida-nih cu a au ve fawn, ralhrang hna nih cun idin bak lo in an kap peng fawn, Inchung lei lut manh lo ngakchia cheu khat hna cu thingkung tang ah an si khawh tawk in himnak ding ah an ithup ve hna khi asi, September 16, 2022 chun suimilam 1 hrawng ah khan Saggaing Division, DePeYin Township, Let Yet khua ah ngakchia cacawnnak, Kawl Pathian biak in cu ralhrang hna nih an thuat khi asi.

Monywa lei in arak ra mi ralhrang Jet Fighter 4 hna nih, mah Kawl Pathian biak in cung zawn ah zuang/kal in, suimilam pakhat chung ah an thuat khi asi, Suimilam 1 hrawng chung bak ah duh tawk in an kah/bomb hnu ah cun, ralhrang pawl cu rak chuk in, meithal keng in “Zawng pawl, nan dih lak in rak chuak u! na lu kun dih hna u!” tiin fak nawn in an au peng ko, ralhrang pakhat nih “Ehee…ngakchia an va tam ngai ko ve!” tiah achim mi aw cu sayamah Tida-nih cun atheih ko.

Ralhrang misual pakhat nih cun “Nan mah chung ah PDF an um an ti ruang ah kanrak thuat/kah nan si ati, Bike he akal mi pawl kha khawika dah an um hnga?” tiin aw hrangtuk hin a au  fawn, Sayamah Tida-nih cun aralthatnak vialte he “Kan pu hna aho hmanh an um lo, ca kan cawn mi asi ko e” tiin a leh hna, ralhrang chung ah hruaitu deuh pakhat nih cun aw hrang ngai in,“Thawngpang petu nih dik lo in a pek mi asi cu” tiah achim mi cu theih asi fawn.

Atu ralhrang pawl nih an thuat/kahnak ah hin kum 7 mi 2, kum 9 mi 1, kum 11 mi 1 le ngakchia dang theih fian lo 2, an dih lak in ngakchia 6 sualnak ngei lo nun aliam khi asi, hliamhma tuar minung 20 hrawng cu an auh hna, mah chung ah atam u cu school ngakchia le cawnpiaktu hna an si, minung 25 hna cu an tlaih hna fawn, hliamhma tuar ngakchia hna cu, Bus hmang in khuachung ah “Kan zohkhen lai” tiin khua dang ah an hruai fawn khi asi.

Mah thil cang mi ah hin sualnak ngei lo civil minung 4 le PDF 3 cu, ralhrang hna nih an thah fawn tiah theih asi, Mah school ngakchia pawl an thuat/kah nak hi ralhrang pawl nih, kan mah hna thil tuah mi asi lo, PDF pawl ruang ah thil cang mi asi tiin achim” tiah Sayamah Tida-nih cun atheih kong achim fawn khi asi.

Thil cang hmun dang Kareni le Shan State in ramri pawng khua Moe Bya ah cun, chun suimilam 1 hrawng in,  Tank le meithalpi he ralhrang hna nih fakpi in an kah thuat hna khi asi, Civil mi 100 hrawng an tlaih fawn, In le lo tampi vanlawng le meithalpi in an kah ruang ah achia tampi a um tiah, mipi ralkap lei zong hliamhma ngei an um fawn tiin, news report ah langhter asi.

Rf/ Mizzima News in Burmese