Matupi-ah Pastor pakhat le mi dang 9 hna cu military council nih faktuk in riantuannak Jail ah tanter ding in biachah pia kasi cang,
Chin state Matupi khua pi ah military council nih an hren mi Pastor pakhat he mi dang 9 hna cu May thla donghnak lei le June hrawng ah an kong ceih bia chahnak cu, cac sau ngai chung faktuk in riantuanter nak thawng ah tanter asi tiah theih asi, Matupi khua ah CDF le CDM joint acoyah riantuan hna bawmtawntu tiah puh in, an tlaih mi Pastor Kap Thang le tangka exchange/thlennak tuahtu U Aung Ko pahnih hna cu, military council-nih June 13-ah kum 15 jail tang ding le faktuk in riantuan ding ah biachah piak an si tiah Matupi in mah thawng pang hi theih asi.
Pastor le U Aung Ko cu tangka hmun dang dang ah kuat mi an si, Yangon lei ah kuat mi zong asi, mah cu CDF hna bawmnak asi tiah puh in tlaih an si, An kong hi an ceih n ikan theih lo hmanh ah, nizan tihni ah khan an pahnih in kum 15 chung jail tang ding in timi biachahnak kong cu theih asi, mah hlan ah mi dang zei maw zat zong an kong hi biachahnak ngeih asi cang fawn, tiin theih asi, Pastor Kap Thang cu Matupi township Champian khua ah Gospel Bu pastor asi, U Aung Ko cu Matupi khuachung Can Bawng ah tangka kuatnak dawr ah tuan mi asi, An pahnih hna hi kum 2021 December thla donghnak lei ah CDF le CDM staff hna bawmtu tiah puh in military council-ralhrang pawl nih an tlaih mi asi.
Pastor Kap Thang le U Aung Ko hna hi CDF/CDM hna cu tangka an bawm bal lo pin ah, CDF Matupi he zeihmanh peh tlainak zong angei lo kong CDF-Matupi hruaitu pakhat nih atu bantuk in achim mi asi, mah pahnih hna hi military council puhnak CDF hna bawmtu tiah puh mi asi, Matupi khua ah CDF pawl he ipeh tlainak ngei tiah puh mi, mino 7 hna zong hi May 31-ah military council-nih thawng an tlakter cang tiah theih asi, Kum 2021 August 20-ah tlaih mi Matupi township, Champian khua le Kalim khua mino 6 chung ah 4 hna cu, May 31-ah faktuk in riantuanter pin ah kum 2 chung jail tanter ding ah an kong hi ceih asi fawn tiah news report ah langhter asi.
kum 2021 August 14-ah tlaih mi Matupi Lawngvan sang ah um mi Pa Thung zong May 31-ah an kong ceih piak in faktuk in riantuan bu in jail ah kum 5 chung tanter ding ah biachah pia kasi, mah hna hi Matupi police station-ah hren an si, hmun dang ah kuat an site lai tiah theih asi, thlacam piak hna usih!