Matupi in antlun lei Mindat Le Matupi karlak idoh kahnak ah ralhrang lei minung 9 thi than in tampi hriamhma ngei tiah thawng thanh asi,

Chin State, Matupi in ralhrang motor 70 hrawng an kir lei Mindat phan hlan karlak ah, CDF-Mindat hna nih April 30 in an idoh cang, Mindat le Matupi karlak lam tluan in an ikap hna khi asi, Military Council lei minung 9 an thi, mah nak tam zong asi khawh tiah zum asi, Military Council-hna hi April 27 ni in Matupi in an chuak, April 30, Mindat an luh hlan te ah CDF-Mindat nih naite ah anrak thuat hna pin ah, Bomb hmang in an thuat fawn tiah CDF-Mindat thawngthanh tu Salai Haa Um nih achim.

Motor 73 rualtein an kal lio ah anrak kah thut kha asi, ahmasa bik ah khan ralhrang 4 an thi, mi 3 nih hriamhma an ngei, A vawi 2-nak ah cunn ralhrang minung 5 an thi than, hliamhma ngei mi zong an tam ngai an ti, an Bomb kamh mi hmun an phan bak ah bomb cu click/hmepuak than in, an bomb arak puak ngai ngai ko ati, leh a, minung athi mi hi zeizat ciah dah asi fiang in kan theih lo nain, Fiang in kan theih khawh mi cu minung 9 a thi mi hi cu confirm bak mi asi an ti, adang athi mi zong an um ko lai an ti fawn, April 30 ah khan Mindat le Matupi karlak km tung bunnak 71-nak hmun ah asi, mahi doh kahnak ah hin Military Council lei mi 4 an thi,  May 1 ah khan Mindat le Matupi karlak km tung 68-nak idohkahnak ah khan Military Council lei athi mi zat hi theih fian asi lo an ti.

May 5- ikahnak ah Military Council lei mi 5 an thi, CDF-Mindat hna nih Bomb hmang in an thuatnak ah Military Council lei hi an thi tam ko lai fiang in confirm khawh asi lo, a ruang cu an mah ralhrang hna nih mithi le hriamhma ngei mi hna hi motor chung ah an chiah cawlh peng hna caah fiang in theih khawh hi ahar ngai tiah, Salai Haa Um nih achim, atu long hi asi lo, Mindat le Matupi karlak idoh kahnak ah hint u hlan zong ah khan tamopi an thi tawn ko, Cun Mindat ram chung ah anrak rat ah cun ram umtu ning atheih fiangtu kan sic aah, kanrak bawh hna pin ah kah zong akap tambik tu kan si ati, atu zong ah ready bak in kanrak um caah hin, kan duh ning le timtuah ning in kan cwalcang khawh ko tiah anti fawn, aherh ning in kan doh peng ko lai an ti.

Matupi in anrak chauk mi Military Council hna cu Mindat le Matupi karlak km tung 90, 91 hrawng ah hin CDF-Matupi hna nih an kap hrep fawn cang mah lio zong ah, Military Council lei mi 9 thiamthiam an thi, A taktak ah cun Matupi le Mindat karlak hi mile 102 hrawng asi, nikhat kal nak lam asi ko, Sihmanhselaw Mindat le Matupi karlak ah hin Military Council hna hi CDF hna nih anrak kah tawn ruang ah hin, ni 10 or 15 leng hna an rau tawn khi asi, Atu dirhmun ah cun Mindat khuapi hrawng ah ruahsur atam ngai ngai cang caah, boruak athiang lo chumzam/mui kar lak ah, Military Council hna hi an duh ning in an cawlcang khawh lo khi asi, Mindat le Matupi kar lam lak ah ni zeimaw zat hi an tangtawn fawn hna, CDF cawlcang rem can lio te asi tiah report nih atu bantuk in alanghter mi asi.