Matupi Police Office ah riantuan mi pakhat nih hriamnam he zenthawng zei maw zat he miphun ralkap sin ah an luh pi thawngtha asi ko,
Chin state Matupi Police Office ah riantuantu pakhat nih an ken mi meithal le zenthawng zei maw zat hna he CDF Matupi sin ah an luh pi tiah cathanhnak arak tuah khi asi, Jan 23 2022 ah Police amin Htet Way Kyaw- N0-L, 276309 asi mi nih cun an ken mi meithal G3 le zenthawng hna he Chin Defence Force CDF Matupi sin ah aluhpi bak mi asi, An bia chim mi cu kahmai ka ah hin ka riantuanpi mi nih sualnak angei lo mi tampi an hrem ning le an tuk an velh ning hna hi ka zoh ngam bak tawn lo khi asi, zei hmanh tuah khawhnak nawl ka ngei fwan lo tik ah zangfak tuk khi asi tiah ati, mah bak tuk in mipi zei hmanh sualnak angei lo mi nih kut an tuar ka zoh ah hin kaei mah nih ka tuah lo nain, ka lungthin chung ah khua tampi akan ruat ter tiah ati.
Atu bantuk in Ralhrang le Police hna nih ram kilhven si lo in mipi tu harnak apek tawn mi hi adik lo ngai ngai thil asi tiah, nikhat nih ah cun khua ka ruat ko ati, kkei mah nih kut ka thlak ve lo hmanh ah kei mah kut thlak bantuk asi tiah aruah cikcek hnu ah, zei asi zong ah mahka ah hin kei cu riantuan thiam ka si ti lo kan miphun hna sin ah ka kal long long ah ram le miphun kilhventu riantuan ka si lai tiin biachahnak ka ngei tiah ati, mah biachah ning tein date 23 ah cun an ken mi meithal le zenthawng hna he ram le miphun kilhventu sin ah an luhpi khi asi, mah kong ah hin Mizzima Media sin ah atu bantuk in achim mi bia asi.
Htet Way Kyaw hi Matupi CDF hna nih lawman laksong tampi a pek pin ah security venhimnak tang ah zalong tein an umter khawh cang khi asi, Jan 26 zong ah khan Matupi base asi mi Battalion 521 chung in Officer le Deputy Officer 2 hna nih hin MA 1 meithal 2 le Zenthawng 550, granite bomb 2, mine bomb 2 hna he CDF Matupi sin ah an luhpi fawn cang kha asi, February thla tiang ah hin Myanmar ral hrang hna le Police hna chung in CDF Matupi sin ah hin minung 11 an sic ang tiah Matupi CDF thanhnak nawl ngeitu sin in theih asi.
credit. Pa Khui