May 11 Zaan Hakha Bomb Puah!! An Puah Caan Le A Hmun Langhter A SI Cang.

May 11 zaan 9:15 pm hrawng, Hakha Palek sakhaan le Palek-talen hrawng ah puahkehnak a um than, tiah kan theih.
“Palek sakhaan ah meithal a puak i Palek-talen ah bomb a si ko lai dah, a puak fawn. Palek-talen cu sakhaan a pinlei Ralkap tidil pin Rungtlang tang hmun hrawng khi a si.

Khika hmun hrawng khin zaanfatin ti awk in a puak. A puah tawn ah hin a thi mi le aa hliam mi an um le um lo cu kan thei bal lo. Palek nih an kan thihphaih bia a si ko lai,” tiah khuami pakhat nih The Hakha Times ah a chim.
Palek-talen hmun khin tianzaan, tianzaan-hmasa, zahan le tuzaan tiin a puak lengmang ko. Tuzaan tu cu a thawng thang deuh ngai, ti zong a chim fawn.

Tuzaan May 11, 9:00 PM in 10:55 PM tiang, Hakha Palek sakhaan le sakhaan pin deuh Rungtlang tang Palek-talen ah voi 7 tiang puahkehnak a chuak.

9:00PM hrawng ah voi 2

10:30 PM ah voi 1

10:40 PM ah voi 2

10:44 PM ah voi 1

10:55 PM ah voi 1

Crd- The Hakha TIme.

Relchap: Palestine(Filistin) le Israel Buainak Ah Minung 350 Leng Hliamhma An Pu.

Kan hnu zarh cacawn ninga ni in Al Aqsa Mosque buainak cu a dai kho rih lo. Nihin ah Israel Palek nih Al-Aqsa Mosque kulh chungah Rubber kuan, tear gas le sound bombs hmangin Palestinian pawl an dawi hna, Palestinian lei nih lung in an cheh ve hna.

Jordan warns Israel against 'barbaric' attacks on mosque | Reuters

Israel lei zong nih Jerusalam nichuahlei ah 1976 thawkin kum fatin an rak ngeih tawnmi ‘Jerusalem Ni Thantar Lam Zawhnak’ (Annual Jerusalem Day Flag March) cu an ngeih ve. Boruak a daih deuh nak ding ah Palek pawl nih Thantar keng in lam a zawh mi Israel Mino pawl cu Al-Aqsa ah kal an khap nain Damaskas kutka lamlei in an kal chih.

Hamas warns Israel against interfering in Palestinian elections | Daily Sabah

Palestinian Red Crescent nih “Al Aqsa Mosque kulh chung buainak ah Palestine mi 305 hma an pu, 228 Siizung an phan, Israel Palek 21 an i hliam” tiah a chim. Palestinian National Initiative Party hruaitu Barghouti zong nih Israel cu “Minung Covo Nawl a buar mi” tiah a ti. Turkey Presidential Erdagon zong nih Israel cu “Israel Terrorist pawl hmun pi” tiin a chim.

Jerusalem protests: Netanyahu defends Israeli action after clashes with Palestinians - BBC News

Iran nihcun Israel Palek pawl cawlcangh ning cu “sualnak a si, UN le International Organization pawl nih an rian cu fiangfai tein tuah dingin” a nawl chih. Sheikh Ikrima Sabri, Al-Aqsa Mosque mi nih Israel Prime Minister- Bejamin Netanyahu cu Al Aqsa kulh buainak hi Prime Minister dirhmun a tlaih khawh nak ding hman a timh tiah a puh.

A tutan Palestine le Israel buainak hi Jesusalem nichuah lei Sheikh Jarrah ah a ummi Juda pawl nih Palestinian pawl cu an umnak in chuah dingin hramhram in an thawl nak ruangah a si.

Kan hnu zarh May ni 7 ni Islam pawl nih Jerusalem Temple Mount ah a thiang mi ‘Ramadan’ thlacamnak an ngeihnak ah Palestinian pawl nih Israel Palek pawl cu Palang, Lung, Kedanh, Phangphang in an tuk cheh hna caah Palek pawl nih Mitthli gas le Khaihriat kuan in an kah ruangah aa thawk mi a si.

Crd- The Chin Post.