Mi tampi nih biakam hlun le biakam thar kan thlei dan thiam lo nak cu “Saul Vs Paul” kong ah hin fiangte in alang dih apawm thiam mi caah zungzal nunnak thluachuah asi,

Mi tampi nih biakam hlun le biakam thar kan thlei dan thiam lo nak cu “Saul Vs Paul” kong ah hin fiangte in alang dih apawm thiam mi caah zungzal nunnak thluachuah asi,

Kan Bible ah Biakam hlun nih tuah ding ah akan fial, Biakam thar nih akan tuah piak dihnak kong akan theihter??

Zei zong vialte sersiamtu Pathian riantuan hi mi pakhat Saul an timi cu ahnu ah Paul arak sinak nih hin, Nawl pek tang ah le Zangfah nak tang ah sinak phun hnih in Bawipa rian arak tuan kha asi, Saul cu Khrih ropi ceu nak nih arak chun tlu hnu ah, tho tuah tiah  kai thawh asi ah cun, arak tho mi Saul cu Paul arak sidiam kha asi.

Saul asi lio ah khan titsa mit a fim mi asi, thlarau mit a caw ve bak, Paul arak sic ang ah cun, titsa mit / Nawl ngeihnak mit caw asi, mah lio ah thlarau mit / Zangfahnak mit, arak var ve fawn khi asi.

Saul asi lio ah khan Pathian nawl in thahnem ngai in rian atuan tawn, Paul a si hnu ah cun Khrih zangfah nak rian tuan lo awk tha lo in ahruai/tuah.

Saul asi lio ah khan Nawl ning in akal, Paul asi hnu ah cun, Zangfah nak ning long tein akal ko cang.

Saul asi lio ah khan a mah fimnak le thiamnak degree hna ah a nghat mi asi, Paul asi hnu ah cun, Khrih thil ti khawhnak ah a nghat khi asi cang.

Saul asi lio ah khan vawlei Tlang Bawi Bawibik catial keng in, khrihfa hna tlaih in an thah an hrem tawn,  Paul asi hnu ah cun van Tlang Bawi Bawibik bia keng in, mi tampi khrihfa ah tuah in mi dang ca tu ah rian an tuan cang khi asi.

Saul asi lio ah khan Nawl pek keng in bia tak tein nawlbia an cawn an thiam fawn, Paul asi hnu ah cun, thahnem nak le zuamnak vial te hna cu hnawn piak dih in, alak /free in kan ngah Zangfahnak thawngtha bia long long ken asi cang.

Saul asi lio ah khan mi tampi an hruai nak ah hruaitu bik asi tawn, Paul asi hnu ah cun hruaitu ngei in amah long tein avak/kal ko cang khi asi.

Saul asi lio ah khan ropi nak tlangcung in rian atuan tawn, venhimtu ngeih in riantuan asi, Paul asi hnu ah cun, tangdawr nun he bawipa rian atuan, Bawipa tu nih arak kilhven khi asi.

Saul asi lio ah khan pawrhrawh/uah nak tlang ah a dir tawn, Paul asi hnu ah cun hmuhsitnak ruam ah a dir ve cang.

Saul asi lio ah khan Khrih zumtu hna tlaih/hrem thah phun in cawlcang asi, Paul asi hnu ah cun, Khrih hnu zulh asi ruang ah hrem/tlaih/vuak an tuar ve cang.

Saul asi lio ah khan Zangfahnak thawngtha bia phuan asi ruang ah, Stephan arak thah, Paul asi hnu ah cun, Stephan nih zangfahnak thawng tha bia arak phuan mi rian cu, peh zulh in arak phuan ve cang.

Saul asi lio ah  khan Nawl pek Bia keng in Khrih zumtu hna tlaih in thawng ah an thlak tawn, Paul asi hnu ah cun, thawngtha bia kengtu asi ruang ah, Nawl ngeitu hna nih tlaih in thawng an thlak ve cang khi asi.

Saul asi lio ah khan zangfahnak thawngtha bia phuangtu a athah kha asi, Paul asi hnu ah cun, Zangfahnak thawngtha bia phuan asi ruang ah thah asi ve.

 

Saul asi lio ah khan minung mit mei ven aherh, Paul asi hnu ah cun Bawipa mitmei long ven asi ko cang.

Saul asi lio ah khan Siangpahrang dirhmun in Nawl ahman tawn, Paul asi hnu ah cun sal dirhmun bantuk in zangfahnak thawngtha bia long achim cang.

Saul asi lio ah khan thil zei poh ah duh tawk/za cang ti angei bal lo, Paul asi hnu ah cun Khrih ah lungawi nak tling he dam chung nun ahman cang.

Saul asi lio ah khan fakpi in rian atuan lo hmanh ah anun ah tha damnak a um lo, Paul asi hnu ah cun, mah le mah ei/din ding ah fakpi in atuan ko hmanh ah, anun tha adam ngai ngai.

Saul asi lio ah khan phur/Emotion ruang ah Pathian rian atuan, Paul asi hnu ah cun khrih dawtnak in thawng in hramhram in kalter asi.

Saul asi lio ah khan Pathian biak/chawnhtu asi, Paul asi hnu ah cun Pathiantu nih abiak/chawnh mi asi.

Saul asi lio ah khan Pathian arak theih ngai ngai tu arak si, Paul asi hnu ah cun Pathian nih arak theihtuk mi asi.

Saul asi lio ah khan Nawl tang ah riantuan hi amah duh thimnak in atuan, Paul asi hnu ah cun, zangfahnak rian tuan ding in Khrih nih a thim mi asi.

Saul asi lio ah khan vawlei ro chawva ah arum ngai nain anun sifak/rethei asi, Paul asi hnu ah cun, vawlei ro chawva zeihmanh angei lo, nain a nun ah rumnak in akhat ko.

Saul asi lio ah khan minung hna athawngh/thuat tawn kha asi, Paul asi hnu ah cun amah le amah an ithawngh/thuat kha asi.

Saul asi lio ah khan hmuh khawh thil hna an dawi midang he an i-el tawn in an tli, Paul asi hnu ah cun,  hmuh khawh lo thil zoh in an dawi ko cang caah tlik azuam bantuk in tha thlah lo in atli peng cang.

Saul asi lio ah khan midang sualnak lian ngai in a hmuh, Paul asi hnu ah cun, a mah sualnak a hmu lian.

Saul asi lio ah khan Nawlngeihnak asang, a fimtuk mi asi, Judah le Farisai Nawl athiam dih mi asi, chawva angei arum mi asi, mi nih an upat mi tihzah nun angei, Pathian riantuan tiah ati lio ah zumtu hna hrem/thah/tlaih/thawngthlak asi, nikhat cu mah vialte hna cu Pathian nih lak piak dih in, Sinak thar/nunnak thar arak pek hnu ah cun, Saul siti lo in Paul sinak arak cang kha asi, Paul nun nih akan cawn piak mi cun nunhlun kal tak in nunthar Khrih tho than nak nun cu mikip nih theih/par ngeih khawh ve ding ah, Pathian zangfahnak thawngtha hi mikip sin ah tlungter/phanter hi kan Bawipa Jesuh Khrih nih aduh bik mi asi. Amen.

#Moses pa#